《反黑路人甲》湯怡曬長腿白滑美背兼制服誘惑 網民：眼鏡Look激似黎姿完全無得輸！｜煲劇人生
撰文、圖片：東方新地｜編輯：八卦妹（原文刊於：東方新地）
《反黑路人甲》湯怡制服誘惑登場
《反黑路人甲》昨晚播出的第四集，芷珊（湯怡飾）因要幫阿哥鐵頭（陳志健飾）達成願望，不惜搵水姐（蔣家旻飾）幫忙，水姐卻要她將聯興勝的一票投給喪鐘（徐榮飾），但芷珊不願，水姐見此，便要她穿上校服做陪酒員，唯幸高彬（張振朗飾）及時出現，將她帶走。
《反黑路人甲》湯怡成新一代最美眼鏡娘
首集講述王浩信飾演的張細倫因醉酒而與湯怡發生一夜情，二人同睡一床早上醒來，齊齊斷片，劇中飾演龍頭大佬乖乖女兒的湯怡，本職教師，一向保守守身如玉，登場一幕大騷長腿。
而斷咗片的王浩信醒來後，衝到浴室回想前一晚發生的事，在浴室的磨玻璃影子下，王浩信下體激突，其實係隻手嚟嘅啫！
湯怡戴回眼鏡轉身呢幕，不少網民大讚索爆！
更指湯怡有點像已嫁人的黎姿，其實湯怡出道時，亦被冠以「翻版黎姿」之名，更被無綫安排在劇集《寫意人生》飾演少女版黎姿。
咪睇湯怡表面斯斯文文，說話陰聲細氣，其實她是運動能手，現實經常操肌更是馬拉松常客。
而且仲不時跟發哥晨跑，規劃健康人生！
相關文章：
《反黑路人甲》張振朗一絲不掛瞓地演出稱成就解鎖 圈中好友齊撐：好大、又屈機！｜煲劇人生
《反黑路人甲》向經典電影致敬
《 反黑路人甲 》由林志華監製，故此大部分演員均來自佢之前監製劇集《 踩過界 》及《 兄弟 》班底。其實呢齣劇係王浩信同張振朗繼《 好心作怪 》、《 法外風雲 》、《 愛我請留言 》、《 再戰明天 》和《 踩過界 》後第六度合作 ，佢哋一埋位即撻著，默契十足。故事由一宗謀殺案，掀起江湖大「 笑 」風暴，開展奇怪冒險之旅。講述王浩信飾演嘅美籍華裔戲癡張細倫回港搵工時，遇到喺臥底界爭啲攞到「 終身成就獎 」嘅高彬（張振朗飾），二人成為最佳拍檔，周旋於警方反黑組與四聯幫之間，王浩信陰差陽錯下當上黑幫坐館，而張振朗反黑反到要扮女人㖭！
至於由姜大衞飾演嘅黑社會頭目晨爺嘅笑臉造型，帶幾分積•尼高遜版本小丑嘅影子。而當中唔少場景設置都係向經典電影致敬，例如馬龍•白蘭度嘅《 教父 》、周星馳嘅《 喜劇之王 》等，觀眾不妨多加留意，睇劇估戲。
王浩信好艷福：擒高海寧、咬啜蔣家旻、床戰湯怡
初涉江湖嘅細倫，喺警花顧欣頤（馮盈盈飾）嘅「 屎橋 」下，要佢冒充四聯幫坐館嘅遺孤；戲癡細倫從電影情節中「 偷師 」，以逼真演技博取一班犯罪分子嘅信任。細倫成功混入犯罪組織後，為搜集證據，發揮佢嘅「 愛心 」，瘋狂向黑道頭目個女蘇芷珊（湯怡飾）、夜場大家姐姚清水（蔣家旻飾），仲有明星莊明麗（高海寧飾）多位女士獻殷勤，細倫施展渾身解數，被各方索女又擒又咀又咬又攬又摷，艷福無邊。之不過有謂紅顏禍水，到處留情，你估第時唔使還咩！留意番，高 Ling 主動向王浩信獻身外，仲會情挑石修，大搞父女戀！
