舊報紙家居實用10式！舊報紙唔只剩用嚟墊煲底

撰文：海月｜圖片來源：網絡

舊報紙家居實用10式！舊報紙唔只剩用嚟墊煲底

1. 蔬果防潮保鮮

新買嘅新鮮蔬果想保存更耐，除咗放入雪櫃冷藏，喺放之前亦可以先用舊報紙包好，有助 吸濕保持蔬果鮮度。另外，如果屋企有香蕉、木瓜、榴槤未熟，可以用報紙包起放喺陰涼處幾日，就能有效催熟生果。

2 解決新鞋刮腳

唔好以為舊報紙污糟就無用，只要將舊報紙濕少少水，揸埋一團，再用乾報紙包住濕咗嘅舊報紙塞係刮腳位。然後再將對鞋放入膠袋，過夜之後拎返佢出嚟就得啦！

3. 保養抹鞋

如果有鞋長期唔著，可以將舊報紙揸埋一團，塞入鞋內。除可防濕氣，亦可防止鞋子變形。如果黑色皮鞋有污漬，亦可以用舊報紙沾上鞋油來擦拭。

4. 碗碟收納

長期唔用嘅玻璃碗碟、杯喺收好前，可以先用舊報紙包起嚟，不但有效防止灰塵弄髒，更可以有防壓避震作用，當搬動時就無咁易整爛。

5. 抹窗戶玻璃

舊報紙可以用效擦走窗戶玻璃或家中鏡面污漬，因為報紙上有油墨，油墨可以令玻璃變令，而舊報紙同玻璃摩擦會產生靜電，好容易就可以吸走灰塵同污漬。

6. 地板隔熱防潮

喺鋪新地毯前，可以先喺地面鋪上一層舊報紙，不但有隔熱效用，而且亦有效防潮。

7. 清潔木製地板縫隙

如果屋企有木地板，吸塵機清潔唔到嘅細縫，將舊報紙用水沾濕扭乾後，再撕成小塊。然後將沾濕嘅小塊舊報紙灑喺細縫，舊報紙嘅靜電同水份就會將灰塵吸住，最後用掃帚或吸塵機就可輕易吸出灰塵付。

8. 清除廚用廢油

怕炸完食物剩餘嘅廢油例落廁所會塞？只要將舊報紙揉成團，放入雙重膠袋中，再把剩油倒入去就可直指丟掉。另外，對油膩食具亦可先用舊報紙物拭擦去除油份，再用水洗時就可維持水管通暢。

9. 衣櫃除蟲除濕

衣櫃嘅蟲其實對油墨味相當敏感，如果喺衣櫃抽屜底部先墊上一層舊報紙，再鋪一層乾淨收納紙，就可避免衣服被蟲咬，舊報紙亦有除濕功能。

10. 食飯墊枱

如果食飯唔想啲骨整到張枱油淋淋，可以先鋪上舊報紙，不過要注意不能放上太熱物件，以先油墨印上枱面。