《反黑路人甲》王浩信大戰7條Queen仲同張振朗齊扮女人玩斷背？！劇集向多套經典電影致敬！｜煲劇人生
廣告
《反黑路人甲》（前名《極道怪咖》）將於今晚（10／8）正式首播，劇集由王浩信、張振朗、高海寧、馮盈盈、蔣家旻、湯怡等人所主演，以反黑配搭黑色喜劇，內容講戲癡張細倫（王浩信飾）因與香港最大幫派「四聯幫」的坐館蔣家遺腹子蔣世龍（王浩信飾）的外貌相似，從而化身成臥底、深入黑道爭奪「龍頭棍」的故事；而是次劇集中的最大賣點除了是看王浩信如何一人分飾2角，兼力戰7位女角外，當中有部份的劇情更是向經典電影致敬，現就同大家一齊看看有那些必睇情節啦！
撰文、圖片：東方新地、無綫電視｜編輯：八卦妹（原文刊於：東方新地）
《反黑路人甲》向向多套經典電影致敬
《 反黑路人甲 》由林志華監製，故此大部分演員均來自佢之前監製劇集《 踩過界 》及《 兄弟 》班底。其實呢齣劇係王浩信同張振朗繼《 好心作怪 》、《 法外風雲 》、《 愛我請留言 》、《 再戰明天 》和《 踩過界 》後第六度合作 ，佢哋一埋位即撻著，默契十足。故事由一宗謀殺案，掀起江湖大「 笑 」風暴，開展奇怪冒險之旅。講述王浩信飾演嘅美籍華裔戲癡張細倫回港搵工時，遇到喺臥底界爭啲攞到「 終身成就獎 」嘅高彬（張振朗飾），二人成為最佳拍檔，周旋於警方反黑組與四聯幫之間，王浩信陰差陽錯下當上黑幫坐館，而張振朗反黑反到要扮女人㖭！
至於由姜大衞飾演嘅黑社會頭目晨爺嘅笑臉造型，帶幾分積•尼高遜版本小丑嘅影子。而當中唔少場景設置都係向經典電影致敬，例如馬龍•白蘭度嘅《 教父 》、周星馳嘅《 喜劇之王 》等，觀眾不妨多加留意，睇劇估戲。
王浩信好艷福：擒高海寧、咬啜蔣家旻、床戰湯怡
初涉江湖嘅細倫，喺警花顧欣頤（馮盈盈飾）嘅「 屎橋 」下，要佢冒充四聯幫坐館嘅遺孤；戲癡細倫從電影情節中「 偷師 」，以逼真演技博取一班犯罪分子嘅信任。細倫成功混入犯罪組織後，為搜集證據，發揮佢嘅「 愛心 」，瘋狂向黑道頭目個女蘇芷珊（湯怡飾）、夜場大家姐姚清水（蔣家旻飾），仲有明星莊明麗（高海寧飾）多位女士獻殷勤，細倫施展渾身解數，被各方索女又擒又咀又咬又攬又摷，艷福無邊。之不過有謂紅顏禍水，到處留情，你估第時唔使還咩！留意番，高 Ling 主動向王浩信獻身外，仲會情挑石修，大搞父女戀！
