《反黑路人甲》王浩信大戰7條Queen仲同張振朗齊扮女人玩斷背?!劇集向多套經典電影致敬!|煲劇人生

《反黑路人甲》王浩信大戰7條Queen仲同張振朗齊扮女人玩斷背?!劇集向多套經典電影致敬!|煲劇人生

反黑路人甲》(前名《極道怪咖》)將於今晚(10/8)正式首播,劇集由王浩信張振朗高海寧馮盈盈、蔣家旻、湯怡等人所主演,以反黑配搭黑色喜劇,內容講戲癡張細倫(王浩信飾)因與香港最大幫派「四聯幫」的坐館蔣家遺腹子蔣世龍(王浩信飾)的外貌相似,從而化身成臥底、深入黑道爭奪「龍頭棍」的故事;而是次劇集中的最大賣點除了是看王浩信如何一人分飾2角,兼力戰7位女角外,當中有部份的劇情更是向經典電影致敬,現就同大家一齊看看有那些必睇情節啦!

 

撰文、圖片:東方新地、無綫電視|編輯:八卦妹(原文刊於:東方新地

反黑路人甲》向向多套經典電影致敬

反黑路人甲 》由林志華監製,故此大部分演員均來自佢之前監製劇集《 踩過界 》及《 兄弟 》班底。其實呢齣劇係王浩信同張振朗繼《 好心作怪 》、《 法外風雲 》、《 愛我請留言 》、《 再戰明天 》和《 踩過界 》後第六度合作 ,佢哋一埋位即撻著,默契十足。故事由一宗謀殺案,掀起江湖大「 笑 」風暴,開展奇怪冒險之旅。講述王浩信飾演嘅美籍華裔戲癡張細倫回港搵工時,遇到喺臥底界爭啲攞到「 終身成就獎 」嘅高彬(張振朗飾),二人成為最佳拍檔,周旋於警方反黑組與四聯幫之間,王浩信陰差陽錯下當上黑幫坐館,而張振朗反黑反到要扮女人㖭!

王浩信同張振朗捲入謀殺案中,掀起江湖大「笑」風暴,展開奇特有趣經歷。
王浩信同張振朗捲入謀殺案中,掀起江湖大「笑」風暴,展開奇特有趣經歷。
張振朗都唔係第一次扮女人,情深款款,效果依然驚嚇。
張振朗都唔係第一次扮女人,情深款款,效果依然驚嚇。

至於由姜大衞飾演嘅黑社會頭目晨爺嘅笑臉造型,帶幾分積•尼高遜版本小丑嘅影子。而當中唔少場景設置都係向經典電影致敬,例如馬龍•白蘭度嘅《 教父 》、周星馳嘅《 喜劇之王 》等,觀眾不妨多加留意,睇劇估戲。

姜大衞嘅笑臉帶幾分積•尼高遜版本小丑嘅影子。
姜大衞嘅笑臉帶幾分積•尼高遜版本小丑嘅影子。
王浩信嘅角色係電影迷,呢一幕好明顯出自《 教父 》啦!
王浩信嘅角色係電影迷,呢一幕好明顯出自《 教父 》啦!
呢幕就係扮周星馳喊到流晒鼻涕嘅情節,向《 喜劇之王 》致敬!
呢幕就係扮周星馳喊到流晒鼻涕嘅情節,向《 喜劇之王 》致敬!
張振朗(右)係臥底界資深演員,爭啲攞埋「 終身成就獎 」。
張振朗(右)係臥底界資深演員,爭啲攞埋「 終身成就獎 」。

王浩信好艷福:擒高海寧、咬啜蔣家旻、床戰湯怡

初涉江湖嘅細倫,喺警花顧欣頤(馮盈盈飾)嘅「 屎橋 」下,要佢冒充四聯幫坐館嘅遺孤;戲癡細倫從電影情節中「 偷師 」,以逼真演技博取一班犯罪分子嘅信任。細倫成功混入犯罪組織後,為搜集證據,發揮佢嘅「 愛心 」,瘋狂向黑道頭目個女蘇芷珊(湯怡飾)、夜場大家姐姚清水(蔣家旻飾),仲有明星莊明麗(高海寧飾)多位女士獻殷勤,細倫施展渾身解數,被各方索女又擒又咀又咬又攬又摷,艷福無邊。之不過有謂紅顏禍水,到處留情,你估第時唔使還咩!留意番,高 Ling 主動向王浩信獻身外,仲會情挑石修,大搞父女戀!

高海寧 big波盪漾主動投懷送抱,飛擒大咬王浩信,非常肉緊。
高海寧 big波盪漾主動投懷送抱,飛擒大咬王浩信,非常肉緊。
王浩信為咗套料,向高Ling埋手,不過高Ling討好王浩信之餘,更情挑石修。
王浩信為咗套料,向高Ling埋手,不過高Ling討好王浩信之餘,更情挑石修。
蔣家旻飾演社團黃色行業嘅大家姐,為達目的會以美色作餌,呢幕咬唇好鬼激!
蔣家旻飾演社團黃色行業嘅大家姐,為達目的會以美色作餌,呢幕咬唇好鬼激!
湯怡扮演中學老師,係四聯幫頭目姜大衞嘅女,外表清純,估唔到會同王浩信有床上戲㖭!
湯怡扮演中學老師,係四聯幫頭目姜大衞嘅女,外表清純,估唔到會同王浩信有床上戲㖭!
賴慰玲掌管三萬個社團門生,同臥底張振朗有感情線,不乏激烈床戲。
賴慰玲掌管三萬個社團門生,同臥底張振朗有感情線,不乏激烈床戲。
馮盈盈繼《 解決師 》後再度扮演警察,今次首度擔任第一女主角,做警花唔使掹槍,反而要畀人扯開上衣,好博!
馮盈盈繼《 解決師 》後再度扮演警察,今次首度擔任第一女主角,做警花唔使掹槍,反而要畀人扯開上衣,好博!
馮盈盈要王浩信冒充四聯幫坐館嘅遺孤,其後二人日久生情。
馮盈盈要王浩信冒充四聯幫坐館嘅遺孤,其後二人日久生情。

相關文章:

《反黑路人甲》劇情簡介、人物介紹 王浩信一人分飾兩角兼要力戰7條女 劇集係黑幫版《喜劇之王》?!

反黑路人甲, 劇情, 王浩信, TVB, 馮盈盈, 高海寧, 賴慰玲, 傅嘉莉, 蔣家旻, 湯怡, 林宣妤

YOU MAY ALSO LIKE ...