肥媽素顏開Live教化妝!唔揸鑊鏟轉美妝KOL 網民:肥媽眉毛畫太高,十足關公咁
廣告
撰文:海月|圖片來源:肥媽facebook
肥媽素顏開Live教化妝!唔揸鑊鏟轉美妝KOL 網民:肥媽眉毛畫太高,十足關公咁
近年肥媽(Maria Cordero)在TVB拍攝製作的《食平D》系列,多年來相當入屋,雖然肥媽的廚藝技巧有多好就見人見智,不過節目受歡迎確是不爭事實。而《食平D》系列中肥媽及陸浩明(6號),亦因此成為人氣組合拍檔。不過日前肥媽就唔揸鑊鏟,改揸眉筆教化妝,在個人facebook中搞Live直播,以素顏示人「教」化妝。
雖然話「教」化妝,不過肥媽表示自己不是專業化妝師,加上平時拍攝都是有人代為化妝,今次開Live都是介紹個人心得,自己邊學邊試化。肥媽唔揸鑊鏟,改揸眉筆你經已覺得驚訝?今次肥媽更素顏上陣,要女士素顏唔好話上鏡,就算只係出街都相當有難度,不少年輕網紅都會灑手擰頭。不過現年66歲的肥媽就相當有自信,無懼完全素顏,而且就算素顏網民亦大讚肥媽皮膚好、沒有皺紋。
直播中肥媽亦對網民的留言及問題都一一耐心回答,雖然有網民留言指肥媽「眉毛太高,十足關公」,更表示「其實我想問肥媽點解條眉畫得咁高?」,不過肥媽都大方回應「因為我眼皮其實好dup, 眉畫高啲,可以遮左眼皮dup落嚟,無咁顯老🙈」,網民亦回應「我講笑乍,希望肥媽唔好嬲😊」。雖然肥媽第一次做化妝教學,不過亦有美妝小貼士教大家,令大家素顏都可以Keep住靚:「注意護膚,每日洗面最重要乾淨,還會每日都做Mask」。唔知肥媽下次會再教咩美妝心得呢?
https://www.facebook.com/Mariacordero0218/videos/1058080807990413/