陳豪6嚿腹肌合1變肥腩?!帶老婆仔女去南灣消暑享受家庭樂|頭號粉絲

陳豪6嚿腹肌合1變肥腩?!帶老婆仔女去南灣消暑享受家庭樂|頭號粉絲

陳豪陳茵媺早於2013年時結婚,隨後即三年抱三(2子1女),而陳茵媺亦退出幕前,全力照顧小朋友及打理家庭,陳豪便成為全家人的經濟之柱!現在無綫熱播的劇集殺手》中,陳豪飾演頭號殺手喬星(ZERO),西裝CHOK爆造型,令不少網友均大讚他型到爆;之但是,劇集拍攝過後,陳豪就打回原形,六嚿腹肌竟變肥腩。

 

撰文、圖片:東方新地|編輯:八卦妹(原文刊於:東方新地

陳豪陳茵薇衝擊南灣親子同樂

影帝級的陳豪演技已經無懈可擊,最近在新劇《殺手》中演百發百中的殺手,經常口花花撩女,為部劇更操到大大隻,不過劇一完陳豪即變回廿四孝老公兼父親,把chok爆的殺手形象忘得一乾二淨,而身上的六嚿腹肌亦隨著時間流逝化成一嚿。最近因為疫情關係小朋友要停學,陳豪同陳茵媺日日都要為仔女安排節目,家住港島南灣對住無敵大海景,最好的消閒活動當然就是陽光與海灘。上周二(7月21日)沙灘仍未關閉,陳豪一家五口在南灣海灘盡情玩樂,三個仔女似足父母真性情,游出浮台瘋狂跳水,又活捉蟹仔實地上科學堂。49歲陳豪完全拋開視帝形象,赤膊只穿泳褲,厚切身形稱霸泳灘,43吋胸肌已變「鬆肌」,落水後髮線更見現形,幸好還有陳茵媺的火辣比堅尼閃耀南灣,廿四孝老公與幸福人妻加上三個活力十足的仔女,構成最幸福的畫面。

去年為拍《殺手》努力健身操肌的陳豪,如今身形變得厚實,腹肌似乎快被脂肪掩蓋,再加上濕水後的髮線大後移,視帝也有甩碌時。
去年為拍《殺手》努力健身操肌的陳豪,如今身形變得厚實,腹肌似乎快被脂肪掩蓋,再加上濕水後的髮線大後移,視帝也有甩碌時。

最近疫情來襲,大人與小朋友留家抗疫多時悶氣難消,都要搵機會抖抖氣,不過都要避開人多高危地方,早前陳茵媺在社交網上載一家在海灘玩得不亦樂乎的短片,她留言表示在家望落南灣見人跡罕見,即大包細包連埋兩個外傭去搶灘,本刊記者有幸親身在現場見證陳氏一家的歡樂時光。

家住南灣的陳豪無懼疫情第三波,日前一家五口衝擊南灣中灣,盡情享受陽光與海灘。
家住南灣的陳豪無懼疫情第三波,日前一家五口衝擊南灣中灣,盡情享受陽光與海灘。
陳茵媺在社交網上載家中露台望出去的無敵海景,並透露日前望落海灘見冇乜人,即全家衝落去玩個痛快。
陳茵媺在社交網上載家中露台望出去的無敵海景,並透露日前望落海灘見冇乜人,即全家衝落去玩個痛快。

陳豪、陳茵薇衝擊南灣親子同樂 厚切身形大解放

厚切陳豪陪仔女開心炸水

上周二(7月21日)下午太陽曬正頭頂,陳豪陳茵媺一家大細連外傭共七人成為南灣海灘最疊馬的泳客群組,仔女都穿上充氣浮水衣,全家配備泳鏡浩浩蕩蕩游出浮台,並霸佔了浮台一段時間。雖然帶埋兩位外傭出浮台負責幫眼照顧小朋友,但緊張爸爸化身救生員,全程牛咁眼望實仔女與老婆陳茵媺,大仔Aiden與二仔Nathan跳水無限Loop,細女Camilla亦有樣學樣,仲鬼馬地推陳豪落水又父女拖實炸水,今時今日的陳豪甘願為前世情人變成深水炸彈,玩到興起大叔上身,把塑造多年的chok爆形象暫時拋諸腦後。

陳豪陳茵媺三個仔女都活潑好動,似足爹哋媽咪一樣係開心果,三個小朋友在浮台上跳跳紮,又一齊扭pat pat,樂在其中。
陳豪陳茵媺三個仔女都活潑好動,似足爹哋媽咪一樣係開心果,三個小朋友在浮台上跳跳紮,又一齊扭pat pat,樂在其中。

陳豪、陳茵薇衝擊南灣親子同樂 厚切身形大解放

陳豪全程守護住陳茵媺與三個仔女,視線從未離開過他們,睇住仔女逐個玩跳水,笑聲未停過。
陳豪全程守護住陳茵媺與三個仔女,視線從未離開過他們,睇住仔女逐個玩跳水,笑聲未停過。

陳豪、陳茵薇衝擊南灣親子同樂 厚切身形大解放

囡囡 Camilla 愛黐爸爸陳豪,其間更淘氣地推爸落海,陳豪為博阿女一笑亦非常配合,不過厚切身形炸水令水花四濺。
囡囡 Camilla 愛黐爸爸陳豪,其間更淘氣地推爸落海,陳豪為博阿女一笑亦非常配合,不過厚切身形炸水令水花四濺。

陳豪、陳茵薇衝擊南灣親子同樂 厚切身形大解放

見仔女玩得開心,陳豪更與囡囡手拖手一齊跳水,盡情地大解放。
見仔女玩得開心,陳豪更與囡囡手拖手一齊跳水,盡情地大解放。
陳豪划住橡皮艇載住囡囡在海上漫遊,陳茵媺則負責揸機拍低這個溫馨場面。
陳豪划住橡皮艇載住囡囡在海上漫遊,陳茵媺則負責揸機拍低這個溫馨場面。

陳茵媺綠色比堅尼身材依然火辣

玩完浮台跳水,陳豪帶領全家好似鴨仔家族一樣游上岸,這個時候終於到三子女之母陳茵媺騷Quali來個大解放,身穿綠色比堅尼的她34D身材依然火辣,她帶住仔女走向石灘捉蟹仔,而陳豪則與其中一名外傭去取回放在沙灘上的衣物。雖然沙灘上泳客十隻手指數得晒,但為免老婆被睇蝕,陳豪第一時間拎衫畀陳茵媺,可惜陳茵媺意識唔到老公用意,著住比堅尼忙住示範如何在石頭底尋找蟹仔,見她踎低又「𠌥」前,亦難怪陳豪想老婆披回衣服遮住肉身。陳豪與陳茵媺非常注重身教,二人的真性情亦感染了三個仔女,一家人在海灘上毫無顧忌的玩樂,兄妹間非常有愛,沒有爭執與爭吵,看得出陳氏出品都愛笑愛玩,充滿正能量。

陳茵媺最近頻頻去海灘玩水,不過她放上社交網的照片多是身穿防曬衣非常密實,今次罕有地以比堅尼登場,生完三個仔女身材依然火辣,難怪陳豪話唔排除再生第四胎。
陳茵媺最近頻頻去海灘玩水,不過她放上社交網的照片多是身穿防曬衣非常密實,今
次罕有地以比堅尼登場,生完三個仔女身材依然火辣,難怪陳豪話唔排除再生第四胎。

陳豪、陳茵薇衝擊南灣親子同樂 厚切身形大解放

陳茵媺帶住仔女走向石灘,在石罅間搜索蟹仔,其後更在社交網分享仔女捉到蟹仔時的開心時刻。
陳茵媺帶住仔女走向石灘,在石罅間搜索蟹仔,其後更在社交網分享仔女捉到蟹仔時的開心時刻。

陳豪、陳茵薇衝擊南灣親子同樂 厚切身形大解放

玩足大半日,小朋友有無限精力玩極唔攰,下午5時許陳茵媺吹雞上岸,一家五口再加兩個外傭齊齊游離浮台,好似鴨仔跟住爸爸媽媽咁,場面好得意。
玩足大半日,小朋友有無限精力玩極唔攰,下午5時許陳茵媺吹雞上岸,一家五口再加兩個外傭齊齊游離浮台,好似鴨仔跟住爸爸媽媽咁,場面好得意。

YOU MAY ALSO LIKE ...