盤點圈中10對一劇撻著夫妻檔   陳凱琳曾指「鄭嘉穎好乞人憎」現愛得纏綿

盤點圈中10對一劇撻著夫妻檔 陳凱琳曾指「鄭嘉穎好乞人憎」現愛得纏綿

有謂近水樓臺先得月,私事公辦,一邊工作一邊追女仔/追男仔,認真方便。好似近日無綫深宵時段播放嘅劇集《九五至尊》中,胡諾言同老婆陳琪就係因為拍呢套劇而撻著拍拖,最後修成正果結為夫婦!其實圈中仲有唔少類似個案,當中一劇定情,真係話都冇咁易!

撰文、圖片:東方新地丨原文刊於:東方新地丨編輯:白子

 

盤點圈中10對一劇撻著夫妻檔

胡諾言、陳琪姊弟戀修成正果

胡諾言、陳琪在拍拖前已認識十多年,因拍《九五至尊》一劇定情,當中二人飾演一對姊弟,而現實中男方年紀比女方細足四年係真正嘅姊弟戀,兩人拍拖近七年後於2009年成婚,現育有兩女一子,一家五口非常幸福。

夫妻檔,TVB,陳凱琳,鄭嘉穎 夫妻檔,TVB,陳凱琳,鄭嘉穎

林文龍、郭可盈《萬里長情》定情

林文龍、郭可盈於1995年拍攝劇集《萬里長情》而定情,2004年結為夫妻。夫妻分工清晰,男方負責幕前搵錢,女方已息影,專心家庭,女兒林天若現年十歲。

盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿 盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿

楊怡、羅仲謙《 On Call 36小時》結緣

2011年楊怡拍攝《 On Call 36小時》與羅仲謙結緣,繼而被傳媒揭發戀情,拍拖五年後在英國古堡舉行wedding blessing儀式,同年十月結婚。楊怡在今年四月剖腹誕下囡囡羅昀凝,二人升呢做新手爸媽。

盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿 夫妻檔,TVB,陳凱琳,鄭嘉穎

鄭嘉穎、陳凱琳冤家變情人

鄭嘉穎、陳凱琳因拍劇集《殭》而認識,女方當時話覺得對方「好乞人憎」,不過最終由討厭變成愛得癡纏更修成正果,如今育有一子鄭承悅,最近陳太仲宣布再度懷孕㖭!其實鄭嘉穎當年都曾經講過自己唔會結婚,呢個故事教訓大家,講說話要留有後路。

盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿 夫妻檔,TVB,陳凱琳,鄭嘉穎

劉青雲、郭藹明模範夫妻結婚二十二年

劃時代劇集《大時代》,成就了劉青雲與郭藹明,戲中嘅方展博同龍紀文雖然未能開花結果,但現實中卻一拍即合。呢對生活低調嘅模範夫妻結婚二十二年來絕少緋聞,不過2015年就傳出邵仲衡當年曾追求郭藹明嘅舊聞。

盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿 夫妻檔,TVB,陳凱琳,鄭嘉穎

郭晉安、歐倩怡相差15年無阻愛戀

郭晉安與細佢十五年嘅歐倩怡,於1999年拍攝旅遊特輯而擦出愛火花,二人無懼年齡差距,在2006年正式註冊結婚,現育有分別12歲及9歲的子女。

夫妻檔,TVB,陳凱琳,鄭嘉穎 夫妻檔,TVB,陳凱琳,鄭嘉穎

苗僑偉、戚美珍相愛30年

1982年苗僑偉與戚美珍在《飛越十八層》擔任男女主角,亦係二人結情緣之作。二人可謂八十年代圈中金童玉女,結婚三十年來恩愛依然,現育有29歲大女苗彤及26歲細仔苗俊。

盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿 夫妻檔,TVB,陳凱琳,鄭嘉穎

周家蔚、洪天明拍旅遊特輯撻著

06年獲選港姐亞軍嘅周家蔚,獲派同洪天明到張家界拍攝旅遊特輯而撻著,拍拖半年後洪天明求婚成功。2012年拉埋天窗,周家蔚先後為洪天明誕下大仔洪大仁(7歲)及細仔洪竟琋(5歲),一家四口樂也融融。

夫妻檔,TVB,陳凱琳,鄭嘉穎 盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿

蕭正楠、黃翠如圈中公認超sweet

《師奶madam》一劇令蕭正楠、黃翠如一撻即著,於《萬千星輝頒獎典禮2018》上男方致詞時公布已與黃翠如結婚。拍拖五年、結婚兩年,二人到依家都不時喺IG晒愛,是圈中公認超sweet嘅一對!

夫妻檔,TVB,陳凱琳,鄭嘉穎 盤點10對圈中一劇定情夫妻檔 陳凱琳曾指「鄭嘉穎好乞人憎」現愛得纏綿

陳榮峻、吳香倫黃昏戀大團圓結局

陳榮峻跟前妻育有三名子女,太太後來因腦溢血而離世。2011年陳與吳香倫因拍攝劇集《怒火街頭》而認識,2014年再因《食為奴》合作,之後男方開始走出喪妻陰霾,主動追求女方。呢對分別64歲和59歲的黃昏戀最後亦大團圓結局,二人並於《愛.回家之開心速遞》夫妻檔演出㖭!

夫妻檔,TVB,陳凱琳,鄭嘉穎 夫妻檔,TVB,陳凱琳,鄭嘉穎

YOU MAY ALSO LIKE ...