龔嘉欣入行12年終成功上車買樓做業主 樣樣親力親為自己搬超貼地|頭號粉絲

龔嘉欣入行12年終成功上車買樓做業主 樣樣親力親為自己搬超貼地|頭號粉絲

龔嘉欣入行12年,一直都是擔任一些不太起眼的角色,直至4年前,龔嘉欣在劇集幕後玩家》中,飾演黃宗澤的老婆,並憑出色喊功,贏得無綫萬千星輝頒獎典禮最佳女配角,近年來她開始備受無綫重用,與此同時,儲錢多年的她終成功上車買樓做業主。日前,記者就發現龔嘉欣由廉價村屋搬上樓,而且入手購買的家品更慳得就慳,全部都係至低價入手,還自己將家品抬返新居,十分貼地。

 

撰文、圖片:東方新地|編輯:八卦妹(原文刊於:東方新地

龔嘉欣血汗換千萬安樂窩

父母在深圳經營塑膠用品生意,龔嘉欣無家庭經濟負擔,自16歲開始做模特兒入行,她每次都儲起一半收入,08年簽無綫成為力捧花旦,由配角做到女一,她邊做邊理財,去年踏入30歲斥資7位數字與香港朋友合資在吉隆坡開火鍋店,出入揸百萬保時捷跑車代步,及豪擲935萬元買入將軍澳維景灣畔高層兩房單位,雖被指忽然富貴,但其實龔嘉欣的血汗錢咬開全部有血有汗。

龔嘉欣最近在劇集《殺手》以癲喪女殺手形象示人,Dark Angel剷青紋身、Bra Top熱褲配魚網絲襪,破格又性感。
龔嘉欣最近在劇集《殺手》以癲喪女殺手形象示人,Dark Angel剷青紋身、Bra Top熱褲配魚網絲襪,破格又性感。
16年勇奪最佳女配角後,龔嘉欣對自己要求更高,今次憑《殺手》再遇高峰有機衝視后,龔嘉欣贏盡口碑。
16年勇奪最佳女配角後,龔嘉欣對自己要求更高,今次憑《殺手》再遇高峰有機衝視后,龔嘉欣贏盡口碑。

平日慳食慳住唔大使 終儲夠錢上車

多年來住在將軍澳茅湖仔村屋的龔嘉欣,每月交租約1萬蚊,去年終儲夠首期上車,雖然有首次置業的按揭優惠,但除了一大筆首期,還有物業印花稅、律師費及裝修費近百萬的開支,對這位新手業主來說壓力甚大。最近事業再創高峰,龔嘉欣忙於為《殺手》宣傳之外,亦忙搬新屋。知情者說:「做咗十幾年嘢,Katy賺到儲到從來唔大使,佢成日著贊助衫,平時生活都好慳,唯一喜好係儲錢。咁多年嚟Katy嘅心願都係想買樓,想有一個屬於自己嘅屋企,太貴負擔唔起,終於買到心水單位又要左慳右慳,裝修都係搵朋友介紹相熟師傅,置家具全部格過價先,搬屋亦親力親為。」

龔嘉欣日前現身九龍灣Mega Box的大型連鎖傢俬店,疫情下戴上口罩,一個人逛街顯得有點孤寂。
龔嘉欣日前現身九龍灣Mega Box的大型連鎖傢俬店,疫情下戴上口罩,一個人逛街顯得有點孤寂。
龔嘉欣去年以935萬買入維景灣畔高層海景單位,五百多呎兩房夠晒一個人住。
龔嘉欣去年以935萬買入維景灣畔高層海景單位,五百多呎兩房夠晒一個人住。

慳皮搬屋樣樣親力親為

早前龔嘉欣出席完劇集宣傳,離開電視城後到將軍澳寶琳邨幫襯屋邨文具店,掃了多個紅白藍及多卷封箱膠紙,看來是為了搬屋做準備,之後她走到附近的連鎖快餐店買了盒焗豬扒飯便返回村屋。據知龔嘉欣近日已經新居入伙,日前她獨自現身九龍灣的大型連鎖傢俬店,師奶仔上身不停踎低起身揀梳化、餐枱,又狂掃至低價的家居用品,眼前的龔嘉欣全沒半點殺氣,非常賢良淑德,之後她更一手一腳把所有物品抬走,call車返回維景灣畔的新居。

一入店內先睇布藝梳化,龔嘉欣度完size又揀布料,似乎仍心大心細。
一入店內先睇布藝梳化,龔嘉欣度完size又揀布料,似乎仍心大心細。

獨家!30歲龔嘉欣血汗換千萬安樂窩 直擊慳皮搬屋過程樣樣親力親為

這日為新屋入伙添置小傢俬,龔嘉欣睇過幾張平價小茶几,不過未有扑槌買,應該會四圍格價。
這日為新屋入伙添置小傢俬,龔嘉欣睇過幾張平價小茶几,不過未有扑槌買,應該會四圍格價。
這間連鎖店的傢俬出名大眾平民化,龔嘉欣要為面積不大的新居揀張合適的餐枱,踎低起身試摺枱。
這間連鎖店的傢俬出名大眾平民化,龔嘉欣要為面積不大的新居揀張合適的餐枱,踎低起身試摺枱。
之後再去試枕頭,龔嘉欣攬完又揸吓,測試軟硬程度,全場枕頭畀佢試勻。
之後再去試枕頭,龔嘉欣攬完又揸吓,測試軟硬程度,全場枕頭畀佢試勻。
龔嘉欣去到小型家品部,主攻洗手間與廚房用具,十蚊有找的廁所刷與十幾蚊的地墊,都成為她的囊中物。
龔嘉欣去到小型家品部,主攻洗手間與廚房用具,十蚊有找的廁所刷與十幾蚊的地墊,都成為她的囊中物。

獨家!30歲龔嘉欣血汗換千萬安樂窩 直擊慳皮搬屋過程樣樣親力親為

獨家!30歲龔嘉欣血汗換千萬安樂窩 直擊慳皮搬屋過程樣樣親力親為

買到一車都係家品,龔嘉欣都係使咗一千蚊左右,真係慳皮。
買到一車都係家品,龔嘉欣都係使咗一千蚊左右,真係慳皮。
埋單後她細心地把戰利品紮好。
埋單後她細心地把戰利品紮好。
外表柔弱的龔嘉欣,一個女仔右一袋左一抽,call車返回新居。
外表柔弱的龔嘉欣,一個女仔右一袋左一抽,call車返回新居。

至於影到她慳皮買家品,龔嘉欣坦言買樓與搬屋耗盡多年血汗錢:「真係唔慳唔得,第一次自己全力供一層樓,真係有壓力,所有嘢都要計過先買,我唔係富婆,我都要付出努力先有成果,好感激好多客戶鍾意我搵我做嘢,雖然受到疫情影響好多工作都要延期,但我相信明天會更好。同埋我鍾意自己事自己做,間屋係自己嘅,我平時成日宅喺屋企,想住得舒服啲,所以你哋會見到我一腳踢。」龔嘉欣唔止睇得同打得,仲入得廚房,裙下之臣一定唔少,不過佢話再搵就係結婚對象,30歲仲有空間可以在事業上搏殺然後先嫁人,拎埋視后做嫁妝咁就最完美。

做完活動,龔嘉欣前往舊居附近的寶琳邨,為搬屋買物資。
做完活動,龔嘉欣前往舊居附近的寶琳邨,為搬屋買物資。
去到邨內的文具店,龔嘉欣狂掃最大 size的紅白藍及封箱膠紙
去到邨內的文具店,龔嘉欣狂掃最大 size的紅白藍及封箱膠紙
離開時與老闆娘有說有笑,看來她是熟客仔。
離開時與老闆娘有說有笑,看來她是熟客仔。
買完嘢已入黑,龔嘉欣到平民連鎖食店買了一盒焗豬扒飯,返回舊居茅湖仔村屋慢慢歎。
買完嘢已入黑,龔嘉欣到平民連鎖食店買了一盒焗豬扒飯,返回舊居茅湖仔村屋慢慢歎。

YOU MAY ALSO LIKE ...