陳曼娜女婿4年前曾出軌偷食今被貼大字報疑欠債問題?!Manna姐爆:成年冇畀家用兼態度唔友善!|頭號粉絲

流行娛樂

廣告

陳曼娜的愛女鄭祖兒早在2016年時,嫁給投資公司總裁蔡朝旭,更在君悅酒店大排筵席,而當時即榮升做外母的陳曼娜還當著記者面前激讚女婿101分;近日,陳曼娜的女婿蔡朝旭遭人貼「欠債還錢」大字報,記者即向Manna姐求證,誰料陳曼娜不但大爆女婿對她態度唔友善,除過時過節會一齊食飯外,其他時間甚少來往,不清楚對方的事。

文:東方新地|編輯:八卦妹(原文刊於:東方新地

 

17年陳曼娜嫁女,在灣仔君悅酒店大搞。
17年陳曼娜嫁女,在灣仔君悅酒店大搞。

陳曼娜女婿蔡朝旭近日遭人在北角寶馬山道的欄杆貼滿大字報,橫額寫上「欠債還錢」及公開電話、身份證資料,並貼有陳曼娜與女兒鄭祖兒的合照。傳媒向陳曼娜求證,她謂:「佢(女婿蔡朝旭)嘅事我唔知喎,我同佢生活圈子唔同,係過時過節食吓飯,坐埋都冇乜共同話題。」至於其本人和女兒被貼大字報會否感到無辜被牽涉,她謂:「好無奈,又唔關我事!如果有人騷擾到我或者個女,我會報警!」 ;而蔡朝旭就否認自己欠債,仲話會搵律師處理咁話﹗

開心榮升岳母的陳曼娜,跟一對新人接受訪問時激讚女婿有101分。

開心榮升岳母的陳曼娜,跟一對新人接受訪問時激讚女婿有101分。

蔡朝旭跟任職牙醫的鄭祖兒外形相當合襯。
蔡朝旭跟任職牙醫的鄭祖兒外形相當合襯。
陳曼娜圈人廣結人緣,女兒婚宴當晚,不少演藝朋友出席。
陳曼娜圈人廣結人緣,女兒婚宴當晚,不少演藝朋友出席。

 

 

直認關係破裂 陳曼娜:唔見免衝突

據知陳曼娜跟女婿關係近年惡劣,跟女婿婚後不足一星期便爆出桃色新聞有莫大關係,蔡朝旭被影到結婚後兩日跟內地前度女大學生金若希見面,態度親暱,同時又流出二人的床照,金若希又自爆「五十日大姨媽沒來」暗指自己大肚,女婿與第二個女人關係複雜,但當時陳曼娜為了女兒都出面撐女婿;而自此事之後,陳曼娜雖表面投以信任票,但對女婿完全改觀。

 

蔡朝旭婚後不到一星期,便爆出跟內地大學生金若希搞婚外情,更流二人床照。當日陳曼娜出面開記招撐女婿,而蔡朝旭指跟金在三年前已分手。
蔡朝旭婚後不到一星期,便爆出跟內地大學生金若希搞婚外情,更流二人床照。當日陳曼娜出面開記招撐女婿,而蔡朝旭指跟金在三年前已分手。

 

陳曼娜全副心機去湊孫女。
陳曼娜全副心機去湊孫女。
陳曼娜的Fb只有跟兒女和孫女的合照,近年未有再見到女婿的合照。
陳曼娜的Fb只有跟兒女和孫女的合照,近年未有再見到女婿的合照。
陳曼娜和女兒關係好好,女兒不時陪伴出席活動或應酬晚宴。
陳曼娜和女兒關係好好,女兒不時陪伴出席活動或應酬晚宴。

 

對於被貼大字報自己及女兒都被影響,陳曼娜謂:「我個女好內向、係好典型嘅女性,做學生時好勤力讀書,結婚後專注照顧家庭同打理事業,其他嘢佢唔係好出聲嘅,早幾年我女婿的偷食風波,當時係佢同我女新婚兩日就發生,我有苦口婆心話我個女婿兩句、教導佢,但佢好唔鍾意,唔接受又抗拒,所以近幾年好少聚埋一齊,佢外面有乜事我係唔知道。我依家年紀大,係享受人生嘅時候,仔女已經出人頭地,學歷高又係專業人士(兒子Allen畢業於哈佛大學為心臟科醫生,女兒Joie則是畢業於美國耶魯大學的牙醫學博士),仲有兩個可愛孫女,我好感恩!唔關我事嘅,我唔想去理!」

 

早前陳曼娜搬新屋,邀請一眾好友,淨係個飯廳都夠十多人影大合照,相當闊落。
早前陳曼娜搬新屋,邀請一眾好友,淨係個飯廳都夠十多人影大合照,相當闊落。
陳曼娜圈中人緣極佳,早前生日,宣萱、江美儀、行姐等都出席賀壽。
陳曼娜圈中人緣極佳,早前生日,宣萱、江美儀、行姐等都出席賀壽。
陳曼娜最愛招呼朋友到家中作客。
陳曼娜最愛招呼朋友到家中作客。
落地大玻璃,望住個靚景食飯零舍爽﹗
落地大玻璃,望住個靚景食飯零舍爽﹗
陳曼娜新居望住無敵靚景。
陳曼娜新居望住無敵靚景。