李佳芯解凍復出即搬屋築愛巢 攜男友從柴灣屋邨搬入西貢住千萬獨立屋!|頭號粉絲

李佳芯解凍復出即搬屋築愛巢 攜男友從柴灣屋邨搬入西貢住千萬獨立屋!|頭號粉絲

李佳芯(Ali)自去年因網上言論,慘遭無綫雪藏,之不過早前李佳芯與拍拖六年的藝員男友陳炳銓,齊齊由柴灣屋邨搬入西貢,還入住超好風水的千萬獨立屋,帶份參與的劇集殺手》就由倉底從見天日,並獲理想收視,李佳芯更自資出散文集《心之所在》,愛情事業再次得意。

撰文、圖片:東方新地|編輯:八卦妹(原文刊於:東方新地

李佳芯獲男友做心靈密友

李佳芯(Ali)簽無綫八年來機會不絕,坐穩一線花旦的Ali去年卻因網上言論而令事業受挫,據知情者透露:「Ali從來都係有嗰句講嗰句嘅人,就係咁輸蝕囉!經過呢次教訓,以後都會慎言。喺呢段時間,Ali依然冇停低,繼續增值自己,佢男友Danny(陳炳銓)亦非常支持畀好多鼓勵佢,同佢分析形勢同以後嘅路應該點行,拍拖六年嚟佢哋都好著重心靈溝通,真係打風都打唔甩。」

李佳芯與陳炳銓拍拖六年,過去一年二人事業同受挫,李佳芯被無綫雪,陳炳銓就不獲ViuTV續約,被封落難鴛鴦。
李佳芯與陳炳銓拍拖六年,過去一年二人事業同受挫,李佳芯被無綫雪,陳炳銓就不獲ViuTV續約,被封落難鴛鴦。
這日下午李佳芯與男友陳炳銓在西貢市的海鮮酒家醫肚,而愛犬豆豉就被獨留在車廂內,不過大家唔使擔心,有開窗畀足夠空氣佢呼吸,二人快速食完返上車。
這日下午李佳芯與男友陳炳銓在西貢市的海鮮酒家醫肚,而愛犬豆豉就被獨留在車廂內,不過大家唔使擔心,有開窗畀足夠空氣佢呼吸,二人快速食完返上車。

獨家!李佳芯孖男友進駐西貢千萬獨立屋 搬屋轉運解凍重生!

進駐西貢白沙灣獨立屋 坐正風水龍脈

Ali與陳炳銓被封美女與野獸的結合,由於二人效力敵對的電視台,拍拖初期已傳出無綫施予壓力,但事實證明Ali對男友矢志不渝,更排除萬難發展至同居,早年本刊影到他們在西貢夾錢租住村屋,之後再搬去將軍澳清水灣半島,到近月Ali與陳炳銓已進駐西貢白沙灣的獨立屋,愈住愈富貴,切合Ali視后身份。知情者透露:「Ali同Danny三年前養咗隻唐狗豆豉,搬上樓之後,佢哋覺得放狗好唔方便,再加上Ali事業有阻滯,所以就搵咗依家住嗰間西貢獨立屋,Ali雖然被放入雪櫃一段時間,但佢搵錢能力唔弱,今年四月ViuTV冇再同Danny續約,但佢依然繼續有劇拍同做幕後,都仲有好多Job,出面又開班教演戲,唔係坐食山崩!聽講佢哋依家住嗰度風水好好,入住冇耐Ali已經收到《殺手》會上,公司仲幫佢安排咗好多宣傳工作,就算唔可以拍合拍劇,香港市場都夠佢發圍!」

李佳芯與男友拍拖其中一個例牌節目就是去西貢海邊放狗,二人邊行邊傾雞啄唔斷。
李佳芯與男友拍拖其中一個例牌節目就是去西貢海邊放狗,二人邊行邊傾雞啄唔斷。
李佳芯與陳炳銓視豆豉如親生女,去到草地不停拋樹枝及拋波撩狗玩,又幫愛犬影靚相,不亦樂乎。
李佳芯與陳炳銓視豆豉如親生女,去到草地不停拋樹枝及拋波撩狗玩,又幫愛犬影靚相,不亦樂乎。

獨家!李佳芯孖男友進駐西貢千萬獨立屋 搬屋轉運解凍重生!

唔知係條Leggings太緊太貼身,抑或係身體唔舒服,玩狗途中Ali竟眾目睽睽下出手𢱑下體,女神儀態盡失。
唔知係條Leggings太緊太貼身,抑或係身體唔舒服,玩狗途中Ali竟眾目睽睽下出手𢱑下體,女神儀態盡失。

本刊記者搵來著名玄學家吳佩孚,對於Ali位於西貢的新居,吳師傅表示原來該處有個傳奇:「嗰度有間車公廟,以前賴布衣去過,仲點咗個穴叫『虎下明塘』,附近山形好似五隻老虎向下,咁啱盤地就係呢個屋苑所在,照山形地勢嚟睇,嗰度人傑地靈,旺人緣、旺丁同埋旺事業,做藝人就會有觀眾緣,姻緣會好,亦催旺生兒育女。再睇屋前景觀,門前開揚遠景望山,西貢附近山脈壯大,搵錢容易,所以西貢亦特別多藝人鍾意住。」

Ali與男友的新愛巢位於西貢白沙灣,03年落成已有十七年樓齡,屋苑共有34個單位,每幢獨立屋有三層,實用面積1,234呎,屬低密度屋苑。
Ali與男友的新愛巢位於西貢白沙灣,03年落成已有十七年樓齡,屋苑共有34個單位,每幢獨立屋有三層,實用面積1,234呎,屬低密度屋苑。
玄學家吳佩孚表示,該屋苑旺人緣、旺丁、旺事業,對藝人尤其有利。
玄學家吳佩孚表示,該屋苑旺人緣、旺丁、旺事業,對藝人尤其有利。

李佳芯孖男友貼地拍拖放狗

既然計劃趕不上變化,37歲的Ali順著前路走,與陳炳銓築起愛巢養狗為樂,近幾年Ali都喜歡去西貢市拍拖兼放狗,早前被迫停工,本刊記者亦影到Ali與陳炳銓貼地放狗,視后經常素顏幫襯茶餐廳同西貢海鮮酒家, 繼續做回真我。做藝人一命、二運、三風水,事實證明Ali甚有觀眾緣,希望新居真的為她帶來好運,過完冷河繼續發光發熱。

另一日黃昏,Ali與陳炳銓又出動去西貢市放狗,二人依然冇任何親密行為,不過停下來浪漫看海,一切盡在不言中。
另一日黃昏,Ali與陳炳銓又出動去西貢市放狗,二人依然冇任何親密行
為,不過停下來浪漫看海,一切盡在不言中。

獨家!李佳芯孖男友進駐西貢千萬獨立屋 搬屋轉運解凍重生!

李佳芯與男友及愛犬豆豉三位一體,狗狗唔需要用狗繩約束,跟住行好乖。據知早前陳炳銓帶狗出外時,豆豉被陌生狗咬傷腳,令Ali非常擔心。
李佳芯與男友及愛犬豆豉三位一體,狗狗唔需要用狗繩約束,跟住行好乖。據知早前陳炳銓帶狗出外時,豆豉被陌生狗咬傷腳,令Ali非常擔心。
放完狗夠鐘食晚飯,陳炳銓負責買外賣,然後一家三口返回西貢新居慢慢歎。
放完狗夠鐘食晚飯,陳炳銓負責買外賣,然後一家三口返回西貢新居慢慢歎。

YOU MAY ALSO LIKE ...