一萬蚊瘋狂消費指南！拎完一萬蚊可以點洗？
撰文：海月丨圖片：網絡圖片
一萬蚊瘋狂消費指南！拎完一萬蚊可以點洗？
政府日前公布，一萬元現金發放計劃自6月21日開始接受登記至7月2日下午5時，共收到超過550萬個登記。財政司長陳茂波更直指：因為相當多市民利用網上理財服務進行電子登記，令銀行能夠減省部分客戶核實工序，所以能更迅速處理收到的登記。所以於6月21日~30日經銀行進行電子登記的約430萬名合資格者，會提前於7月6日起兩、三天內經其指定個人銀行帳戶收到一萬蚊。大家又諗到點洗未？仲考慮緊？不妨睇下以下「瘋狂洗法」！
1. 幫補供樓、租樓1個月
雖然樓價、租盤因武漢肺炎（新冠肺炎）疫情而有所下跌，不過跌幅跟「SARS」時期可謂差得遠，一萬蚊大約可支付市區230尺單位約1~1.4個月（視乎地區）。
2. 去旅行
一萬蚊，可以去台灣3~5次，亦可貴去日本主題樂園（環球影城、迪士尼）、韓國等地。雖然現時機票及酒店都平咗，不過因為疫情問題，大家都無法以旅遊身份出國旅行。不過本地遊及本地酒店住宿、自助餐亦相對有折扣，如以1000作平均一晚住宿，大約都可住10晚。
3. 投資買股票
一萬話多唔多話少唔少，其實現時有不少股票入場費都低於一萬蚊，如中行 （03988）不連手續費，早前入場費約4千有找！不過投資中可能會遭受收益損失，甚至連本金亦有所風險，所以亦要小心處理。
4. 儲蓄
政府「發放」一萬蚊，對唔少人嚟講都係儲起好啲，不過儲蓄放在銀行暫時利息相當低。
5. 包起日本牛郎傳奇人物Roland一小時
一萬蚊，原來亦可獨佔日本牛郎界傳奇人物Roland一小時，不過就只可以聊天，想有可多活動就唔夠錢喇！而且暫時只限已身處日本人士，香港人暫時仍是未能飛往日本。
7. 一次過買500張六合彩
相信唔少香港人，都剛夢想過一注獨得六合彩發財。你又有無諗過可以一次過買500張六合彩作「投資」？不過命中的機會率就要自己想想喇！
8. 等新iPhone 12、PS5
雖然iPhone 12、PS5尚未推出，不過大家都預算在今年下半年內入手的話，不妨將一萬蚊作為「入手基金」，以以往價位來看，一萬蚊約可買1.4~0.8部iPhone（視付規格），而PS5價位大家預算約$4500~6500港幣左右，加上炒價及首發遊戲，一萬蚊亦只是剛剛好。
8. 換新相機ZV-1做Vlogger
現時最多小朋友想做嘅職業，就係KOL及Youtuber。不過要成為KOL或Youtuber，又點少得拍片。Sony就最新推出相機「ZV-1」，有蔡司鏡頭提供了 24-70mm 的等效焦距，最大光圈範圍為 F1.8-F2.8，配上可反MON自拍無難度。加上本地售價都只係$6千幾港幣，買完仲可以入手其他拍Vlog需要配件。一萬蚊！錢滾錢！
9. 幫補買Rolex
家下全球經濟受相當多不穩定因素影響，好多投資都變得容易失利，不過反而手錶Rolex不但非常保值，更竟能逆流升值，買勞力士隨時好過銀行收息！不過一萬蚊就想買到一隻Rolex真係天方夜談，最多只能夠做幫補。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
