【那些我愛過的人】亞視CEO林文龍經歲月洗禮更添男人魅力 昔日斯文靚仔今日轉變型佬｜頭號粉絲
撰文：東方新地、八卦妹｜圖片：東方新地、郭可盈IG（原文刊於：東方新地）
回顧52歲林文龍初出道罕見相
91年 醒神賀年
每到農曆新年娛樂刊物都搵歌影視紅星影賀年相，亦係藝人 當紅指標，87年加入無綫90年開始受重用嘅林文龍，91年獲邀影羊年賀年相，難怪個樣寧舍醒神。
｜91年 初拍黎姿
林文龍91年喺劇集《怒海孤鴻》演內地農民，畀劉錫明嫁禍殺人後逃亡到香港時，邂逅由黎姿演嘅富家女，後來重遇鍾情於佢嘅高幹女兒梁珮玲，但誓要得到梁嘅劉錫明申請嚟港，四角關係亂到震。
｜91年 華dee上身
91年呢張林文龍靚仔相，金鏈、白笠衫襯皮帶藍 牛仔褲，好有《旺角卡門》華dee feel。
｜91年 廿三歲小鮮肉
90年憑《人在邊緣》演第三男主角劉志基嶄露頭角嘅林文龍，91年4月接受無綫官方刊物訪問，當年未足24歲嘅文龍一臉稚氣，絕對係嫩口小鮮肉。
｜92年 斯文靚仔
林文龍呢張92年初影嘅相，啡黃色西裝配黑 tee，再加埋副銀絲眼鏡同親切笑容，靚仔得嚟又斯文，女粉絲會冧到暈。
｜92年 黑白分明
92年5月林文龍接受TVB官方刊物訪問，著上白色恤衫配黑tee黑牛仔褲，黑白分明點睇都咁型。
｜94年 黑超man爆
94年林文龍戴黑超兼首次留鬚根，著埋牛仔褸簡直man到爆炸， 男人魅力出晒嚟。
｜97年 進軍樂壇
林文龍96年轉投亞視後唱過自己主演嘅劇集主題曲，97年簽約上華唱片公司， 被周刊問及進軍樂壇時信心寫晒喺面上，惜到00年滿約都出唔到個人大碟，錄過嘅歌只收錄喺雜錦碟內。
｜04年 影月曆相
98年林文龍回巢無綫後仍受重用，01至05年憑演古裝喜劇《皆大歡喜》深受觀眾歡迎，更獲安排同留咗長髮嘅馬德鐘同宣萱合影TVB 04年巨型官方月曆。
｜06年 至型法醫
林文龍喺頭兩輯《法證先鋒》演樂觀風趣嘅法醫古澤琛，同歐陽震華演嘅高級化驗師兼姐夫高彥博合作無間，並同鍾嘉欣演嘅同事化驗師林汀汀有一段刻骨銘心、欷歔揪心、感動萬千觀眾嘅難忘愛情。
｜07年 夫妻合演
07年林文龍同郭可盈繼95年劇集《萬里長情》後，喺民初神怪劇 《十兄弟》中再合演夫妻，兩者分別在於後者首次以真正夫妻檔共演，亦係04年結婚後唯一一部合演劇集。
林文龍、郭可盈16年婚姻困難重重 結婚不久林文龍曾偷食?!
林文龍與郭可盈一直都是圈內的恩愛夫妻，之不過在這幸福背後，卻一點也不容易！郭可盈家境富裕，父親以塑膠生意起家，共同擁有5間公司，加上她演技出眾，出道短短兩年就已參演《刑事偵輯檔案》而再迅速走紅，更獲得《1996年度壹電視大獎》10大電視藝人第2位，與蔡少芬、宣萱及陳慧珊等人被譽為TVB 4大花旦，事業均在林文龍之上。
於2004年時，林文龍與郭可盈結為夫妻，但結婚後4年，網上就流出傳出一條疑似林文龍與郭可盈的電話錄音，當中的內容就有指是男方在大陸拍劇時與內地女星董維嘉相戀，當時林文龍直認有婚外情，隨後情信、合照等亦相繼流出，偷食風波愈發愈大，唯林文龍與郭可盈齊開記招，郭可盈更拖實老公表明對他絕對信任，林文龍就否認與內地女星董維嘉相戀，從而平息偷食事件；直至2010年，郭可盈誕下囡囡林天若，一家三口樂也融融。
<
