筍工月入5萬?! 表面做Sales、實質做無間道臥底 老闆姐夫仲要係幕後功臣/主腦?|時事新聞台

熱話

廣告

筍工不外乎薪水高、同事好、工作愉快,或是公認的專業人士如律師、醫生、老師等,近日有網民在社交網分享朋友的經歷月入5萬的「筍工」,表面係做一名Sales,但實質係一名臥底,不只這些,呢篇長文雖然只係出咗第一集,但已經另有內情,想八卦嘅就繼續睇落去啦!

撰文:iluvhk|圖片來源:網上截圖、Facebook群組《辦公室日報》、電影截圖

筍工月入5萬?! 表面做Sales、實質做臥底 姐夫仲要係幕後功臣/主腦?

筍工個個都想做,加上網友今次分享的荀工仲要月入5萬,可以說令人稱羨,但點知原來呢份荀工兼負重任,要進行秘密行動,表面上是一名Sales,但實際是一名臥底,一名「針」,「潛入」公司,幫老闆了解一眾年輕下屬為什麼會抱怨、對工作或公司到底有什麼不滿,沒有別的工作要求!

荀工-夢想-職業-工作-打工仔-薪水-人工
有網民網上分享荀工月入5萬,工作簡單,但實質做無間道臥底。

其實月入5萬對於一名香港打工仔來說已算是很豐厚的,根據政府統計處發表2019年第四季(10月至12月)的《綜合住戶統計調查按季統計報告》的結果,香港打工仔的每月就業收入中位數(不包括外籍家庭傭工)為19,000元,比上一季增加了1,000元。

荀工-夢想-職業-工作-打工仔-薪水-人工
2019香港打工仔的每月就業收入中位數為19,000元。

根據樓主引述的這份「荀工」是被家姐推薦的:「家姐擔心我變廢青,所以叫我去姐夫公司返工,我死都唔肯:「最憎幫屋企人做嘢,壓力大,你畀得萬零蚊,我做下freelance好過啦!我返姐夫公司都係打下機煲下劇㗎咋,費事你到時難交代。」

而職位是在一家headhunt agency (獵頭公司) sales team (銷售團隊) 的replacement,將會是3個月的短期合約工。

樓主的朋友心想在家姐推薦下,加上姐夫是老闆,這份工應該是份優差,卻想不到原來是做「卧底」,姐夫派他到公司打好人脈關係,查出為何其他同事「個個都做唔長」、「點解咁多人走」等的問題,然後報告給老闆姐夫知。

荀工-夢想-職業-工作-打工仔-薪水-人工
兩大王牌卧底 (劉建明和陳永仁)相遇 (截自經典電影《無間道》的劇照)

樓主的朋友隨後提出不少疑慮,包括「但係我未做過sales,見工都未必過到啲team head啦!」、「HR實懷疑喎」等,老闆姐夫亦一早打通了所有關係,叫他放心,只想定時報告狀況,月入5萬,3個月共15萬元就能袋袋平安!

文中提及了樓主的朋友展開了工作,亦正式開始這個卧底任務,認識了Team Head (Daniel),從Daniel口中得知他與老闆姐夫的關係都挺熟,間中更會約出來「飲嘢」,但老闆姐夫卻稱未有一起「飲過嘢」,各執一詞之下,究竟誰才說真話,「媽呀~我真係好亂呀!」

網民留言

荀工-夢想-職業-工作-打工仔-薪水-人工

原文:

呢個係朋友嘅親身經歷,佢姐夫我都識,因為曾經搵過我當時間headhunt公司請人(我承認係我R返嚟既🙈),前後都做過佢兩單生意😂
然後早排發生咗啲事,我覺得好有趣,大家想睇落去我會再寫。

以下係佢口述,我用第一身代筆。

======

話說我失業咗大半年,其實都唔可以話係失業,因為冇認真搵過工,間中有啲freelance做下,加埋之前有積蓄,自己又唔大使。本來年頭想搵工,撞正武漢肺炎爆發,返工好危險,而且冇公司請人,咪打算唞多半年囉。

家姐擔心我變廢青,所以叫我去姐夫公司返工,我死都唔肯:「最憎幫屋企人做嘢,壓力大,你畀得萬零蚊,我做下freelance好過啦!我返姐夫公司都係打下機煲下劇㗎咋,費事你到時難交代。」

點知家姐話:「5萬蚊一個月呢。」

我:「5萬?哈,吹大啲吖嘛,唔好話10萬?」

家姐:「你姐夫公司個個月都有人辭職,佢淨係搵headhunt agency請人畀嘅錢真係每個月過10萬,而家佢好頭痕,叫我問你可唔可以去佢公司做下,唔好畀人知道你哋關係,佢想知點解咁多人走?想知道下面發生咩事,因為人人對住老細又係另一個樣。」

我:「真係5萬一個月?」

家姐:「本來係,不過你話打機煲劇唔做嘢,冇嘢喇。」

我:「傻啦,5萬一個月我洗廁所都得呀! 姐夫叫我做乜我就做乜,要唔要幫佢洗埋底褲?我OK呀!我會好畀心機做㗎!做一年都60萬,然後我先辭職去歐洲玩幾個月。」

荀工-夢想-職業-工作-打工仔-薪水-人工

家姐:「你就想,姐夫話搵你入去做3個月左右咋,擺你做針,佢想知道有咩咁難做?唔想再走馬燈咁換人,因為啲經理次次都話係班後生仔唔聽教,個個做唔長,你幫佢收下料啦!」

我:「得3個月咋?都好啦,照殺,不過HR實懷疑喎,點會請個新人返去畀5萬一個月呀,傻都知係皇親國戚啦!」

家姐:「你同佢都唔同姓,同埋你份糧表面係出萬五,另外三萬五姐夫每個月畀cash你。」

我:「係真唔係呀?稅都唔使報喎!」

家姐:「記住,你身份係headhunt agency補畀公司嘅replacement,之前佢哋介紹嘅sales走咗,佣金畀晒,冇得退錢,只可以免費搵返個replacement畀你姐夫,即係你老細。」

我:「但係我未做過sales,見工都未必過到啲team head啦!」

家姐:「呢層你唔使擔心,佢個sales team阿頭講明鍾意請白紙,驚搵啲太多經驗嘅人返嚟會唔聽話,你個角色背景係老細video call同你interview咗,見你正正常常就執返嚟當replacement,唔想蝕畀headhunt agency。」

結果,我真係入咗姐夫公司做臥底,sales team,第一日welcome lunch,個Team Head就同我講:「你之前係同老細遙距見工?冇上過嚟interview?」

我:「係呀,老細話武漢肺炎,視像interview ok喎,多謝你哋畀機會。」5萬蚊一個月,交足戲啦!

Team head:「你聽聽話話畀心機做就得㗎喇,老細就好睇我嘅,我話你得就得,唔得就唔得!」

我:「真係㗎?我見老細都幾好人。」

Team Head:「麻麻地啦,邊有老細真係好人吖,不過我同佢好熟,有時老細會私人約我出嚟飲嘢㗎!」

返到屋企我問姐夫:「Daniel話同你好熟,會出嚟飲嘢,你好睇佢㗎?」

姐夫打住「動森」冇望我,淨係講咗句:「痴鳩線,lunch都冇同佢食過,我聽日返去炒咗佢。」

我:「又唔好炒住,我了解下先啦!」

姐夫繼續打機都係冇望過我:「好啦,見你都幾畀心機,keep住報告我知啦!」

======

如若想追下文的請到Facebook專頁繼續追看!合共有8集!

 

同場加映:

將小紅書打入香港市場?! 內地大媽發攻略文 教人在芝麻灣捉海星掘貝殼 網民炮轟:破壞生態自然!|時事新聞台

荀工月入5萬?! 表面做Sales、實質做無間道臥底 老闆姐夫仲要係幕後功臣/主腦?|時事新聞台

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!