【《十八年後的終極告白》劇透】「一哥」陳山聰爆最終結局 網友:Final Boss完全黑化!|煲劇人生

電視

廣告

十八年後的終極告白》即將進入結局篇,涉案七子每個星期都有人離奇死亡,但真兇就遲遲仍未揭曉,究竟誰人才是最後的「終極真兇」,劇中的「一哥」陳山聰就率先同大家披露內幕劇情,做個劇透,仲坦白地說出「一哥」在劇中做的事情全都是有原因,並不是無緣無故。

 

撰文、圖片:東方新地、TVB|編輯:八卦妹(原文刊於:東方新地

《十八年後的終極告白》 真兇揭發案中案!

【劇透慎入】本文含獨家劇透內容!想保持追劇驚喜嘅你,千祈唔好睇到尾,因為有震憾畫面!一睇立即「穿橋」!

劇集邁向結局周,劇情進入白熱化,人人有嫌疑、個個估兇手嘅階段,到底邊個殺咗「啟思」呢?集集有人死、有屍體發現連女主角黃智雯阿媽江欣燕都難逃一死,下一個輪到邊個?又到底邊個先係背後搞事嘅big boss?各大討論區都眾說紛紜。

 

《十八年後的終極告白》,劇透,結局
《十八年後》精彩在於人物關係夠晒複雜,一眾人一齊守住秘密又各懷鬼胎各自提防。

 

陳山聰:「越正氣嗰個越係有嫌疑⋯⋯」

話說男主角之一飾演「一哥」嘅陳山聰,角色背景係黑社會大哥,講嘢大聲事事衝前,仲經常神神秘秘好似守住好多秘密咁樣,成為網民心中big boss最熱門人選。自從玉娣懷疑老公文虎唔係自殺,劇情進入另一個高潮,朗生(譚俊彥飾)同肥仔富(何遠東飾)懷疑是一直未有露面的世達想把十八年前的涉事者逐一滅口。水浸眼眉,朗生、敬一、肥仔富、永興終於各自把十八年前的秘密揭露,並重回當年的燒烤場重組記憶,各自坦白口供才發現原來一直誤會了阿一,兇手原來另有其人。

 

《十八年後的終極告白》,劇透,結局
除咗少不更事時惹下大麻煩,如今喺社團又有被死對頭友儕何啟南處處針對,唔少網友都猜測何啟南至係最後終極奸人。

「一哥」陳山聰獨家爆料

八姨太忍唔住搵「一哥」本人探過口風,陳山聰自爆:

「好多人都以為我喺呢套劇係大奸角,唉呀,你哋睇埋落去先啦,一哥做嘅好多嘢都有佢嘅原因,唔係咁簡單㗎!」

雖然冇直接承認,但以八姨太所知,「一哥」的確唔係兇手,欲知後事如何?記得返屋企開電視追埋落去囉!

 

 

《十八年後的終極告白》,劇透,結局
7個守足十八年秘密嘅少年,上周有五個重聚,文虎(中) 登場,所以山聰都喺個人IG登番張大合照賀一賀。
《十八年後的終極告白》,劇透,結局
玩暗戀又搞曖昧, 今個星期「一哥」陳山聰將會向楊秀惠飾演嘅家倩表白,二人正式成為情侶。

出現兇案「第8人」自爆殺人放火、瘋狂痴戀阿Sam

劇集播到第十四集,忽然爆出當年的「兇案第8人」,原來係唐嘉麟飾演的賴國明,一直在劇集中以閒角穿插,亦係迷暈Sam的幕後黑手,有說他就是當年的殺人犯,一直以Sam為偶像的賴國明精神有問題,當年殺人後曾患上精神病,暗中跟踪Sam、以保護Sam為已任,甚至為了Sam而殺人,包括令鬼仔強墮樓、殺死Tiger並做成自殺假像、勒死Tiger老婆令其一屍兩命、將「蛋撻」推下樓梯、甚至綁走江欣燕⋯⋯

《十八年後的終極告白》,劇透,結局
殺死喪屍的真兇係一個配角?太便宜了吧?

 

《十八年後的終極告白》,劇透,結局
唐嘉麟早前在《機場特警》負責同安安(何依婷)上床,鬧出綠帽大肚疑雲,估唔到今齣劇的劇情扭轉位又關佢事!

 

 

《十八年後的終極告白》,劇透,結局
司徒暉飾演黎世達,角色遲遲未出現,他在IG表示「挑戰角色難度更係前所未有!重點是小弟床戲極多……」、「有乜戲係瞓喺張床上面,用「呼吸聲」嚟做戲架?」到底癱瘓的角色如何令一班兄弟感到威脅?

 

《十八年後的終極告白》,劇透,結局
編劇故佈疑陣, Sam兩度被迷暈,好似好被動,但網友認為一直帶著劇情走向的他其實才是Final Boss!

 

網友劇迷忖測:「一切暗示、伏線都指向Sam(譚俊彥)!」

有網友在youtube留言探討真凶,講到似模似樣:

「同意,我睇左咁多集,每個主要角色都有個反轉去呼應番之前的自己,林嘉華同個黃智雯之間的家變,一哥回應過去的承諾願意同肥仔個妹一齊,肥仔亦有同強嫂的交流抱住份悔疚去幫手人地頭家。唯獨Sam條線從來都係straight forward,一個正主角除咗擁有大家都有的內疚同不安之外,居然連一次反轉都未有 (之後大概有,到時恐怕亦係真相揭露之時⋯⋯) ,然後佢十幾集以來個定位居然只係帶領組織大家搵線索? (想當年好似又係有個人好冷靜就組織好大家埋屍的工作分配⋯⋯) 加埋,十幾集以來耐唔耐就去說明番Sam 18年來不敢做錯一件事,一切都變得有強逼症既設定,彷彿就好似有個巨大的暗示⋯⋯」

 

 

 

《十八年後的終極告白》,劇透,結局
《十八年後的終極告白》

 

《十八年後的終極告白》,劇透,結局
《十八年後的終極告白》

《東方新地》獨家披露結局:真兇,真係譚俊彥?!

其實真兇係邊個?有細心睇主題曲開場影片的觀眾,可能都見過譚俊彥持士巴拿扑到出血的畫面,而劇集中Sam的情緒波動其實都好大,不時流露兇狠表情,在賴國明承認害死幾個舊友之後,譚俊彥飾演的Sam失控為為兇手殺死賴國明!由非法處理屍體變成真正的兇手⋯⋯

而根據無綫官方發布的劇照入面,更有一張譚俊彥老妝的劇照!不過後來官方收起了這張劇照,似乎編劇同監制都有心將「終極告白」留到結局周才正式披露!

 

 

《十八年後的終極告白》,劇透,結局
譚在最近的訪問中表示: 「有場監獄戲,我要同年輕版自己做戲,笑到喊,喊到笑,感覺好恐怖。」

 

《十八年後的終極告白》,劇透,結局
Sam在船上殺人⋯⋯並將被綁在船上的江欣燕一拼燒死!

 

《十八年後的終極告白》,劇透,結局
無綫官網曾經上載Sam落泊的老妝相片,但後來被刪走,相信係想保留最後劇情大扭轉的驚喜!