何遠東入行12年終捱出知名度 曾日打三份工為圓上車夢|頭號粉絲

何遠東入行12年終捱出知名度 曾日打三份工為圓上車夢|頭號粉絲

何遠東聽到這一名字,大家未必認識,但若然說到是劇集降魔的》中的「龍貓」、又或者是現正熱播的《十八年後的終極告白》中,飾演「肥仔富」,相信大家都會記得有個外形肥肥,而且非常親切的人,他就是何遠東。雖然何遠東在近年才開始闖出知名度,但其實他已加入娛樂圈已有12年,亦是演藝學院高材生,曾為了買樓上車,不惜日打三份工,捱了五年終於儲夠20萬首期買樓圓夢。

 

撰文、圖片:東方新地|編輯:八卦妹

何遠東入行12年 獲獎無數演藝高材生

究竟好戲肥仔是如何煉成的?入行12年,獲獎無數嘅演藝學院高材生,曾獲《萬千星輝頒獎典禮》「飛躍進步男藝員」以及憑《降魔的》「龍貓」一角提名最佳男配角,何遠東嘅演技備受肯定。唔止拍電視劇,電影、舞台劇瓣瓣精,皆因何遠東自小就表演慾很強,且喜歡鑽研演技,曾先後以戲劇導師身份任教於家燕媽媽藝術中心、中英劇團、愛快樂劇團、北區青少年中心劇團、PIP藝術中心等等,經驗豐富。

何遠東
當年憑《降魔的》飾演「龍貓 」嘅催淚演出大受好評,期望嚟緊嘅《降魔的2.0》有更精彩嘅演出。

 

何遠東
除咗拍劇,何遠東仲拍過唔少電影,去年由劉青雲同林嘉欣主演嘅英皇電影《廉政風雲:煙幕》,佢亦有份參與演出。

 

 

 

窮苦出身任勞任怨曾一日打三份工

窮苦出身曾經為一百幾十蚊一日打三份工,目的就是希望能買樓上車,捱了5年,終於讓他能儲到20萬首期,在大埔購買到心水單位!而今時今日,何遠東終於有啲成績,不過由細肥到大嘅何遠東身體狀況認真麻麻,高峰期更一度重達280磅!何遠東自爆因經常食煎炸食物,前年發現腸內有瘜肉,有次仲因為工作期間瘜肉爆裂而不斷出血,搞到要向身邊女同事借用衞生巾㖭!好在及時發現做手術割除,如果唔係隨時惡化變成癌症就不堪設想啦!

何遠東
由細肥到大又曾因腸內有瘜肉而要做手術,近年為健康著想,何遠東努力減肥,瘦咗足足30磅。
何遠東
日前返電視城開工時,被粉絲攔途截劫要求合照,何遠東依然笑容滿面,更𠌥低身遷就對方。

 

家陣食少咗啲垃圾食物兼不時做運動,三年間減咗成30磅,何遠東學會珍惜健康保持心境開朗!日前,撞見佢返電視城開工,被粉絲攔途截劫要求合照,何遠東冇托手踭仲笑容滿面,粉絲多角度影完再影佢都冇詐型,nice到爆!

何遠東
合照完畢冇話即時閃人,仲會留低同大家吹吓水。

 

何遠東
另一粉絲要求多角度拍攝,何遠東都冇詐型仲好配合影足4、5張。
何遠東
相又影完偈又傾完,滿足晒大家後至返入去開工搏殺。

 

 

相關文章:

馬國明主演劇集《降魔的2.0》將於下月首播 原班人馬回歸兼有C君搞笑加盟?!|煲劇人生

馬國明, 降魔的2.0, TVB, C君, 劇集, 無綫

YOU MAY ALSO LIKE ...