港女5大古怪行為!德國人拍片逐個講港女問題:自己食哂個漢堡包有幾難?
撰文:海月|圖片:Facebook
港女5大古怪行為!德國人拍片逐個講港女問題:自己食哂個漢堡包有幾難?
今次就有位「港女德國扮工」的博客,她有一位男友「德國佬」,閒時情侶二人都會拍不同主題的影片放上網,今次就由「德國佬」親自選題材,竟然是「港女常做嘅5件怪事(德國佬眼中)」。到底喺外國人眼中,「港女」係咪真係咁古怪?
港女古怪行為!第5位:飲茶茶包浸一世
提起德國,相信大家首先會想到嘅就係「啤酒」及「香腸」,不過其實「茶」文化亦有相當高水平,亦有不少獲獎茶品。來自德國嘅德國佬,自然亦相當了解茶,亦因為德國人的嚴謹及細緻程度,所以當看到港女們每次飲茶,都會將茶包「有咁耐浸咁耐」。作為識茶之人,德國佬更直言:個茶包上面咪寫咗浸幾耐囉!仲有沖茶前,要先用量杯度好水量,Just Follow The Rule喇港女。
港女古怪行為!第4位:怕蟲怕到要大呼小叫
作為一個大男人嘅德國佬,每次見到港女們遇上細小昆蟲時都大呼小叫:好驚啊,佢對呢種行為深感不解。解釋道:明明昆蟲咁細仔,你大份過佢咁多,係都佢驚你先喇,怕昆蟲真係好古怪。
港女古怪行為!第3位:朝令夕改,今天的我打倒昨天的我
德國佬其中一項對港女不明白的行為就是:港女話變就變,無論之前講過乜,只要佢呢刻想點,就會推翻之前嘅所有嘢,你一定要跟足。
港女古怪行為!第2位:嘢食要Share
日常生活中,外國長大嘅德國佬對用餐時每人獨立一份相當習慣,所以當遇上港女要求一份食物要Share嘅時候就會心諗:你一個食一份有幾難啊?
港女古怪行為!第1位:成日飲人哋支啤酒
作為酒國長大嘅德國佬,原來最令佢不解嘅港女行為,就係佢哋好鐘意飲人哋支啤酒。原來喺德國無人會Share啤酒,呢支酒係我嘅就我飲。啤酒要好飲有好多因素,夠凍、有氣,但德國人係點都唔會Share啤酒,要飲自己開支喇!
雖然影片中德國佬大數外國人眼中嘅港女古怪行為,但內客上絕對對港女無不敬,反而係一個另類閃光彈。其實只要有愛,好多古怪行為大家都會因而接受,記得好好珍惜另一半啊!
德國佬話我,上星期笑完佢用隻鬼佬碗/戰鬥碗飲啤酒,今次個topic佢要話事,要講下我有咩奇怪嘢⋯⋯喎。奇怪得過你要🤠戴帽?#證明頭髮對男人幾重要 #德國佬本來拍得好high #拍完後差啲唔比我出街
Posted by 港女德國扮工 on Monday, April 20, 2020
同場加映
面相師傅:咸濕係為勢所迫!男人M字額份人好咸濕 聰明原來有樣睇 點先係「醒目面相」?
當你遇上一個人嘅時候,通常第一眼都係睇到對方,就係「外貌」,所以「面相」亦成為好多人留意嘅一件事。原來從「面相」都可以睇得出一個人係咪「聰明」,有無機會容易升職!原來額頭都睇得到,打工仔要留意喇!
額闊原來真係人都聰明啲!
老一輩傳言「額要夠闊先至好」,原來係面相學上真係有根據!喺面相學上,「額闊」嘅人係比較聰明,至於點先叫做「額闊」?就由從眉毛至髮線位置,至少要有自己3隻手指嘅距離,如果少過3隻手指就係「額窄」,越闊就越聰明,分析力及觀察力都會較高,亦較容易獲升職。反觀「額窄」時,較大機會要用體力勞動去賺錢,因為分析力及觀察力都比較弱,唔靠體力勞動難以謀生,難怪常言道,「頭尖額窄,無尼貴格」。
髮線低、額窄=為人固執!
皓云師傅更提及面相中,如果一個人髮線較低,或者比較額窄時,人會容易執著、較難聽取別人意見。隨時會為生活中日常小事,例如想去A餐廳食飯,如果唔係去A餐廳食就會唔開心,甚至跟身邊另一半、朋友大鬧一場。所以,額闊、髮線高嘅人都比較好相遇、人緣佳。
額頭中間有條坑=感情受創!
額頭中鼻樑對上位置,原來稱為「司空」、「中正」,如果位置有條坑,無論係天生抑或受傷做成,都表示喺22歲~25歲左右會受感情重創,更係俾人呃嗰隻!
M字額份人好咸濕!
皓云師傅表示:面相中如果人有M字額,代表比較咸濕。而點解M字額代表咸濕?因為M字額代表驛馬位高,人比較鐘意出圍去經常周遊列國,去唔同地方。所以M字額嘅人桃花亦比較重,某程度上都係「被迫」咸濕,因為外出機會多,所以遇上桃花機會大。
遇上心儀對象要點追?
唔同女仔追求嘅方式都唔同,如果用錯方法就可能食「檸檬」,熟讀媾女攻略令你事半功倍!如果女生唔想太主動,在心儀對象面前散發出女人魅力,自然能俘虜男神的心。最後要開始一段戀情,當然唔少得表白,切勿犯了這幾個表白禁忌,令你前功盡廢!
如何保持戀情熱度?
情侶的關係是雙向的,不論男女都應學識這套「情侶相處十二式」。情侶拍拖時亦可以互相做一些情侶間甜蜜小行為,為關係保持新鮮感。當然一段感情沒有可能永遠都處於熱戀期,想分清男朋友是愛你還是鍾意你,即從這5件事分辨出來!