小米5G推Lite版打國際市場!入門版小米10 Lite登場 平到$3000都唔洗!

電子產品

廣告

現時人人講5G,小米5G手機亦正式發布,同樣繼續以價廉物美打入大眾向市場。繼早前華為發表P40系列,小米亦公布小米5G手機10系列國際版。叫得做「國際版」,自然就有「中國版」,到底今次發表嘅小米10系列國際版又同行貨有咩唔同?即刻睇睇!

撰文:海月|圖片:小米

小米5G推Lite版打國際市場!入門版小米10 Lite登場

向來小米Xiaomi產品都係以「高性價比」去打入大眾市場,今次小米5G手機10系列,作為小米最重要新產品之一,當然用上高階配備。小米5G手機10系列,基本上分為小米10小米10 Pro,不過無論係小米10抑或小米10 Pro,都用上旗艦Qualcomm Snapdragon 865處理器,配備LPDDR5記憶體,而且支援5G網絡,絕對唔係因為要打入大眾市場而用Cheap嘢。另外,小米10及小米10 Pro屏幕分辨率、刷新率及屏幕質料一致;而前置攝像頭、指紋解鎖、耳機接口、散熱系統、無線連接等方面亦完全一樣。

小米5G
小米5G手機10系列,基本上分為小米10及小米10 Pro
小米5G
無論係小米10抑或小米10 Pro,都用上旗艦Qualcomm Snapdragon 865處理器,配備LPDDR5記憶體,而且支援5G網絡

小米5G手機10系列小米10及小米10 Pro唔同嘅地方,主要可以分為以下5部分:

1:相機性能

小米5G手機10系列,雖然兩款型號同樣使用1億像素主鏡頭,不過小米10Pro用嘅係8P鏡頭、而小米10則係7P鏡頭。另外,小米10 Pro3個副攝像頭嘅實力亦比小米10強大得多,包括10倍混合光學變焦、50倍數碼變焦,及配置激光對焦傳感器都是小米10沒有的功能。

小米5G
小米5G手機10系列,雖然兩款型號同樣使用1億像素主鏡頭
小米5G
小米10 Pro3個副攝像頭嘅實力亦比小米10強大得多,包括10倍混合光學變焦、50倍數碼變焦,及配置激光對焦傳感器都是小米10沒有的功能。
小米5G
小米5G手機10系列測試相
小米5G
小米5G手機10系列
小米5G
小米5G手機10系列

2:屏幕

雖然兩款型號同樣使用Samsung製造,90Hz高刷新率+180Hz觸控嘅1080P高清AMOLED屏幕,不過相比下小米10 Pro亮度更高,而且採用原色屏2.0,除了專業級色準Delta E < 1.1,令小米10 Pro色彩表現精準度更高,還原力更強。

小米5G
小米10 Pro亮度更高
小米5G
採用原色屏2.0,除了專業級色準Delta E < 1.1,令小米10 Pro色彩表現精準度更高,還原力更強。

 

3:怪獸級喇叭強大聲效

小米5G手機10系統兩款型號,都係採用雙1216線性揚聲器,不過小米10 Pro用嘅係等效1.2cc、而小米10則係等效1.0,加上小米10 Pro支援7磁發聲單元,所以有更強大音效、立體感更強。

小米5G
小米10 Pro支援7磁發聲單元,所以有更強大音效、立體感更強。

4:電池容量

小米10電池容量為4780mAh,比小米10 Pro嘅4500mAh電池容量高出少許。而小米10 Pro有50W快充,比小米10嘅30W快充充電功率更大,所需時間更短。

小米5G
小米10電池容量為4780mAh,比小米10 Pro嘅4500mAh電池容量高出少許。

5:機身配色

小米10 採用磨砂玻璃機背,將推出珊瑚綠、灰藍色2款配色;而小米10Pro則只有:珍珠白、星空藍。

小米5G
小米10 採用磨砂玻璃機背,將推出珊瑚綠、灰藍色2款配色
小米5G
小米10Pro則只有:珍珠白、星空藍。
小米5G
小米10Pro則只有:珍珠白、星空藍。

 

另外,小米5G手機10系列哂國際版,將推出中國版未有嘅小米10 Lite 5G。雖然只係入門級5G手機,機身亦比另外兩款輕巧只有192g重,不過亦有中位級數嘅機能。小米10 Lite採用Qualcomm Snapdragon 765G處理器,同樣配備6.57吋水滴式全面AMOLED屏幕,不過就只有4,800萬像素四鏡頭。價格方面小米 10 Lite則比另外2部便宜得多,只售349歐元(約港幣 $2,975),預計5月初正式推出,而小米10及小米10 Pro價格分別為:HK$4,999及HK$5,999。

小米5G
雖然只係入門級5G手機,機身亦比另外兩款輕巧只有192g重,不過亦有中位級數嘅機能。
小米5G
價格方面小米 10 Lite則比另外2部便宜得多,只售349歐元(約港幣 $2,975)

 

同場加映

Macbook Air 2020值得買5大理由!新蚊小編全方位評測 Macbook Air打機得唔得? 價錢值唔值?

雖然礙於武漢肺炎全球肆虐,Apple亦決定不作現場發布會,改為網上發表。不過亦無阻Apple新產品的推出,早前Apple就再次喺無先兆情況下直接推出2020年全新Macbook AiriPad Pro。雖然再者基本上都係系列更新,而唔係iPhone 3GS變成iPhone 4咁大突破,不過其實新Macbook Air細緻改動亦唔少,以下就為大家講講值得買5大理由!

Macbook Air
Apple就再次喺無先兆情況下直接推出2020年全新Macbook Air及iPad Pro
Macbook Air
一盒配備同樣簡約

 

1:鉸剪式鍵盤

早幾年前Apple開發出「蝶式鍵盤」,雖然當時官方標榜著好多優點,例如:令機身可更薄、更好打等等,不過「蝶式鍵盤」多次出現設計問題,亦有唔少用家對蝶式鍵盤只有「恨」而無「愛」。繼改良咗嘅「鉸剪式鍵盤」喺去年16吋MacBook Pro回歸,今次亦同樣採用「鉸剪式鍵盤」(Magic Keyboard)。

基本上「鉸剪式鍵盤」同平時iMac所用鍵盤設計非常接近,因為鍵距增加,加上增加打字回彈感,令用家打字時感覺更紮實,手感比蝶式鍵盤更佳。快速打字時並唔會讓用家感覺如敲打桌面般生硬,亦唔似平價鍵盤咁黏手。加上「鉸剪式鍵盤」打字時聲音較細,絕對唔會覺得嘈吵,令用家生產力大大提高。其實光係用上「鉸剪式鍵盤」,經已令舊用家心動不已。

MacBook Air
繼改良咗嘅「鉸剪式鍵盤」喺去年16吋MacBook Pro回歸,同樣採用「鉸剪式鍵盤」(Magic Keyboard)。
MacBook Air
鍵距增加,加上增加打字回彈感,令用家打字時感覺更紮實,手感比蝶式鍵盤更佳。
MacBook Air
「鉸剪式鍵盤」打字時聲音較細,絕對唔會覺得嘈吵,令用家生產力大大提高。

 

2:價錢平咗,更強大機能

今次採用最新第10代Intel處理器,比起上代只配備第8代處理器快更多。如果以最基本i3型號來看,以Geekbench跑分單核速度達989,比2018年版MacBook Air嘅i5處理器單核700多跑分,高出接收23%。另外,跟2018年i7處理器嘅13吋MacBook Pro,或2019年16吋i9處理器嘅MacBook Pro比,單核心跑分分數亦非常接近,以價錢嚟比,今次絕對唔比舊世代旗艦機差!

另外,今次Apple更首次於Macbook Air提供四核心i5 CPU俾用家選擇,雙核心版則為i3,為用家提供更大自由度。無論是單核還是多核性能,對比舊款都分別有31%、73%嘅提升,用家日常多任務能力亦表現出色。值得一提嘅係,內存由上一代的LPDDR3 2133MHz升級至LPDDR4X 3733MHz,頻率更快意味著同樣喺8GB情況下讀寫效率更高,甚至超越2019年版MacBook Pro 13吋嘅LPDDR3 2133MHz。

總結一點就係:平咗價錢,打得贏上代Pro嘅怪獸。

MacBook Air
採用最新第10代Intel處理器
MacBook Air
以最基本i3型號來看,以Geekbench跑分單核速度達989

3:超輕便文書煲劇神器

硬件性能有所躍進,不過實際工作操作上又點呢?今次最基本經已配備256GB SSD,比上代MacBook Air或新一代MacBook Pro最基本版本多2倍容量,用家可儲存更多資料,而且價錢亦無改變,變相更抵。雖然換上新鍵盤,而重量亦從之前1.25 kg增至1.29 kg,整體厚度由1.56cm增至1.61cm,不過相對「大牛龜」Macbook Pro或相他品牌Notebook,依然係「輕而強大」。

另外,喺新MacBook Air 2020就算安裝Photoshop作圖像處理,一邊執相甚至開啟多個網頁、同時處理文件等,都唔覺得主機有拖慢、過熱現象。所以如果你平時都係睇網頁、Video、處理文檔,偶爾做啲簡單修圖,性能基本都絕對滿足到你,就算你用MacBook Pro嚟比,其實都無太大差別。

不過如果諗著剪片嘅話,其實基本處理影片亦係可以,效率亦相當迅速。不過如果係大型影片或要好多後製特效嘅話,咁當然用返Macbook Pro比較實在。另外,同上代一樣都只有2個USB Type C端口,刪去咗SD Card插口,所以如果成日需要入相嘅用家就最好買多嗰Card Reader喇。

MacBook Air
就算安裝Photoshop作圖像處理,一邊執相甚至開啟多個網頁、同時處理文件等,都唔覺得主機有拖慢、過熱現象。
MacBook Air
同上代一樣都只有2個USB Type C端口,刪去咗SD Card插口,所以如果成日需要入相嘅用家就最好買多嗰Card Reader喇。
MacBook Air
雖然換上新鍵盤,而重量亦從之前1.25 kg增至1.29 kg,整體厚度由1.56cm增至1.61cm,不過相對「大牛龜」Macbook Pro或相他品牌Notebook,依然係「輕而強大」。

4:怪獸級立體聲喇叭

雖然新Macbook Air 2020只有1.29 kg,同上代重量相若,不過硬件可謂大躍進。唔單只「鉸剪式鍵盤」,今次所用嘅立體聲喇叭亦係相當討人歡喜。同上代相比,立體聲揚聲器加強咗兩倍低音,音量提昇咗25%,喺聽音樂或睇電影、煲劇時,可以有個更好嘅體驗!而且音色立體而實在,同Macbook Pro絕對可以一戰。

MacBook Air
同上代相比,立體聲揚聲器加強咗兩倍低音,音量提昇咗25%,喺聽音樂或睇電影、煲劇時,可以有個更好嘅體驗!

另外最右方喇叭旁有Touch ID,會同新開發嘅Apple T2 安全晶片一齊運作。用家只要將手指放喺Touch ID感應器上,就可以簡單Unlock。而且,亦可以用指紋開啟Apple ID嘅文件、密碼或系統設定,有效保護個人資料,使用上亦相當方便。

MacBook Air
最右方喇叭旁有Touch ID,用家只要將手指放喺Touch ID感應器上,就可以簡單Unlock Macbook Air。

5:大專生優惠難以唔心動

雖然咁多大改進,不過價錢並無因為咁而貴咗。新Macbook Air 2020入門型號由上代接收$9,000嘅價錢,一下減到今次嘅$$7,799,更由128GB SSD提升至256GB SSD,上代用家大概真係會喊。而且今次就算只係i3嘅入門型號亦相當夠用,就算升級到i5四核都只係加$700。最後Apple想買平嘢,梗係搵「大專生」幫手喇!去Apple官網嘅「教育商店」買,最平可以$6,999入手,認真抵玩,比市面好多同效能、重量Notebook都仲要平。

MacBook Air
新Macbook Air 2020入門型號由上代接收$9,000嘅價錢,一下減到今次嘅$$7,799,更由128GB SSD提升至256GB SSD
MacBook Air
去Apple官網嘅「教育商店」買,最平可以$6,999入手,認真抵玩