【開心速遞】梁茵IG大派福利照 「威龍潘金蓮」身材勁有料獲網友激讚封女神｜頭號粉絲
廣告
梁茵(Kiko Leung)憑無綫熱門處境劇《愛•回家之開心速遞》中，飾演「威龍潘金蓮」Anita 一角而為人所熟悉，還被網友封為新一代的女神，不少人均拿梁茵以及鄺潔楹作對比！而近日，梁茵就在個人社交網站instagram上載數張低胸裝相片，大派福利照。
撰文、圖片：東方新地｜編輯：八卦妹（原文刊於：東方新地）
被封女神嘅梁茵平時收收埋埋，自拍攝《識玩旅行團2》拍住陳睿雯浸溫泉大騷身材後，令人眼前一亮，獲網民激讚。
梁茵繼水著之後，更以低胸晚裝搭配輕西裝縷係Instagram派服利。
梁茵放下「短訊撩女」渣男 IG大晒噴血身材
靚女自然多人追，不過同時都容易 受傷，梁茵早前大爆對情人節有陰影，因為多年前曾經發現拍拖一年幾嘅男朋 友，同另一個女仔互傳甜蜜短訊，一開始佢都忍住冇出聲，仲幫男朋友搵藉口，後來都係要忍痛喺情人節前分手，真係陰功豬！不過梁茵仲後生，大把機會啦！
其實除咗有樣有身材，演藝出身又係何廣沛藝訓班同學嘅梁茵演技有功架之餘，亦都係孝順女，知慳識儉照顧病母，咁多優點美德集於一身，多人追又有幾奇。
早前本刊就影到有猛男去電視城接收工，雖然仍未公開確認戀情，但以佢嘅條件可以慢慢揀吓先啦！
梁茵（Kiko）大起底
26歲的梁茵係第26期無綫電視藝員訓練班的學員，她畢業於粉嶺官立中學（中六）。2016年開始在處境劇《愛·回家》裡飾演瑜伽中心職員「李淇（Kay）」而漸為觀眾認識，2017年再度參演《愛·回家之開心速遞》，憑「威龍潘金蓮」江慧喬（Anita）一角受到不少觀眾注目。2019年，她與健身教練 So Cheuk 合作經營健身室；現時除了當演員，也任職金融從業！
