5G香港正式啟用！實測5G有幾快 唔使裝Game即時流暢玩大作

撰文：海月丨圖片：CMHK

5G香港正式啟用！實測5G有幾快

5G香港今日（4月1日）終於正式啟用，各家電訊商都密鑼緊鼓為自家旗下嘅5G網絡作準備。相對大家用開嘅4G（LTE），5G網絡有三大優點，包括：超高速、低時延及廣連接。以下載影片為例，4G（LTE）傳送速度大約100Mbps，想下載一小時片長嘅4K影片，大約需要3~5分鐘，而最新5G香港嘅速度，係4G嘅10~20倍。

今日4月1日係5G香港正式開通首日，好多電訊商都經已推出各種5G月費計劃，並正式投入服務：

中國移動（CMHK）：198元可體驗5G服務

中國移動4月1日推出5G服務，並公布3項5G服務計劃收費，其中100GB方案最平，月費438元。

此外，中國移動香港客戶上台簽約可享合約優惠價，月費分別為298元（100GB）、398元（ 200GB ）、498元（ 300GB ）。而且以上計劃更包括每月附送大灣區（中國內地及澳門）漫遊數據及中國內地／香港／澳門免費任聽來電。如果用家覺得自己用量很少，不需要數百GB的用量，但又希望試一下5G香港速度，CMHK亦推出5G體驗計劃，只需$198可享30GB 5G本地數據。

另外，CMHK更特別強調「原來漫遊都用到5G㗎」。雖然5G香港喺4月1日才正式啟動，不過在海外，其實亦經已、將在2020年內相繼啟用5G網絡。而CMHK亦宣布亦會陸續在不同國家支援「5G漫遊」，而中國、南韓結先率先支援「5G漫遊」！

欲查詢更多詳情，可參考中國移動官網。

3香港（3HK）：3月底前申請可享早鳥優惠

3香港同於4月1日推出5G服務，其中100GB方案月費388元。此外更推出5G早鳥優惠，客戶可以月費538元預訂即將推出的指定5G手機，優惠期直至3月底已完結，當然其他5G優惠亦陸續有來！

3香港5G月費計劃

3香港「PRE-5G早鳥限時優惠」

欲查詢更多詳情，可參考3HK官網。

香港電訊（HKT）：可以增值本地數據10元/2GB

HKT旗下兩間電訊商CSL及1010 都於4月1日推出5G服務，價錢似乎比較貴，不過客戶可按個人需要增值本地數據，算是比較彈性的安排。

CSL 5G月費計劃

欲查詢更多詳情，可參考CSL官網。

10105G月費計劃

欲查詢更多詳情，可參考1010官網。

數碼通（SMARTONE）：採用愛立信5G

上述多家電訊商均採用華為5G技術，數碼通（SmarTone）係唯一一間採用5G網絡供應商愛立信（Ericsson）電訊商，現時尚未公布5G計劃具體收費。

5G香港雖然正式啟用，不過各電訊商對覆蓋地段都未有太大說明，因為就算5G有多快，亦需地區覆蓋才能使用。而CMHK則是首間公開現時5G香港網絡覆蓋地圖。表示其5G香港戶外面積覆蓋已達55%，目標今年年底前面積覆蓋率超過90%。而香港部份大型基建項目，如香港國際機場，海港城、中環置地廣場等部份大型商場，以及灣仔會展亦有5G網絡覆蓋。而大埔、赤柱等地區CMHK則會以Refarm 4G頻譜或以4.9GHz頻譜進行覆蓋。

另外，大家對5G香港最關心的，相信就是「速度」。到底5G比起4G，真的快多少呢？

今次就以CMHK嘅5G來實測一下！結果顯示5G香港在實際使用上，能夠做出時延低於10ms，而下載速度超過1Gbps，上載速度亦超過130Mbps以上，對大眾唔同用家嘅需求都一定能夠滿足。

5G速度快，呢樣賣點唔少人都好明白，不過當中最貼地嘅用法，相信都係用喺「打機」上。雖然話對打機有用，不過好多人都唔知道 / 唔明白，5G點樣可以用嚟打機。相比其他電訊商，CMHK可以話快一步將5G應用喺遊戲上，特別推出自家品牌「UGame」雲遊戲平台，以免下載安裝為賣點。玩家只要配合5G網絡就能夠即時免下載即時遊玩超能手遊大作。旗下5G用戶可於6月30日前免費試玩UGame雲遊戲平台，不過日後收費詳情就未有資料。