5G香港正式啟用!實測5G有幾快  唔使裝Game即時流暢玩大作│科技控

5G香港正式啟用!實測5G有幾快 唔使裝Game即時流暢玩大作│科技控

5G香港喺今日4月1日正式啟用喇!到底5G實測有幾快?月費Plan價錢又係如何?以下一次過話哂俾你知!而且原來連漫遊都有5G用,想知詳情就要睇下喇!

撰文:海月丨圖片:CMHK

5G香港正式啟用!實測5G有幾快

5G香港今日(4月1日)終於正式啟用,各家電訊商都密鑼緊鼓為自家旗下嘅5G網絡作準備。相對大家用開嘅4G(LTE),5G網絡有三大優點,包括:超高速、低時延及廣連接。以下載影片為例,4G(LTE)傳送速度大約100Mbps,想下載一小時片長嘅4K影片,大約需要3~5分鐘,而最新5G香港嘅速度,係4G嘅10~20倍。

今日4月1日係5G香港正式開通首日,好多電訊商都經已推出各種5G月費計劃,並正式投入服務:

5G月費
5G月費大比較!

 

中國移動(CMHK):198元可體驗5G服務

中國移動4月1日推出5G服務,並公布3項5G服務計劃收費,其中100GB方案最平,月費438元。

5G香港
中國移動5G月費

此外,中國移動香港客戶上台簽約可享合約優惠價,月費分別為298元(100GB)、398元( 200GB )、498元( 300GB )。而且以上計劃更包括每月附送大灣區(中國內地及澳門)漫遊數據及中國內地/香港/澳門免費任聽來電。如果用家覺得自己用量很少,不需要數百GB的用量,但又希望試一下5G香港速度,CMHK亦推出5G體驗計劃,只需$198可享30GB 5G本地數據。

5G香港
CMHK 5G體驗計劃

 

5G月費
中國移動上台5G月費

 

另外,CMHK更特別強調「原來漫遊都用到5G㗎」。雖然5G香港喺4月1日才正式啟動,不過在海外,其實亦經已、將在2020年內相繼啟用5G網絡。而CMHK亦宣布亦會陸續在不同國家支援「5G漫遊」,而中國、南韓結先率先支援「5G漫遊」!

5G香港
原來漫遊都用到5G

欲查詢更多詳情 ,可參考中國移動官網

 

3香港(3HK):3月底前申請可享早鳥優惠

3香港同於4月1日推出5G服務,其中100GB方案月費388元。此外更推出5G早鳥優惠,客戶可以月費538元預訂即將推出的指定5G手機,優惠期直至3月底已完結,當然其他5G優惠亦陸續有來!

3香港5G月費計劃

5G月費
3香港5G月費計劃

3香港「PRE-5G早鳥限時優惠」

5G月費
3香港「PRE-5G月費早鳥限時優惠」

欲查詢更多詳情 ,可參考3HK官網

香港電訊(HKT):可以增值本地數據10元/2GB

HKT旗下兩間電訊商CSL及1010 都於4月1日推出5G服務,價錢似乎比較貴,不過客戶可按個人需要增值本地數據,算是比較彈性的安排。

CSL 5G月費計劃

5G月費
CSL 5G月費計劃

欲查詢更多詳情 ,可參考CSL官網

10105G月費計劃

5G月費
10105G月費計劃

欲查詢更多詳情 ,可參考1010官網

數碼通(SMARTONE):採用愛立信5G

上述多家電訊商均採用華為5G技術,數碼通(SmarTone)係唯一一間採用5G網絡供應商愛立信(Ericsson)電訊商,現時尚未公布5G計劃具體收費。

5G香港雖然正式啟用,不過各電訊商對覆蓋地段都未有太大說明,因為就算5G有多快,亦需地區覆蓋才能使用。而CMHK則是首間公開現時5G香港網絡覆蓋地圖。表示其5G香港戶外面積覆蓋已達55%,目標今年年底前面積覆蓋率超過90%。而香港部份大型基建項目,如香港國際機場,海港城、中環置地廣場等部份大型商場,以及灣仔會展亦有5G網絡覆蓋。而大埔、赤柱等地區CMHK則會以Refarm 4G頻譜或以4.9GHz頻譜進行覆蓋。

5G香港
現時5G香港網絡覆蓋地圖

 

另外,大家對5G香港最關心的,相信就是「速度」。到底5G比起4G,真的快多少呢?

今次就以CMHK嘅5G來實測一下!結果顯示5G香港在實際使用上,能夠做出時延低於10ms,而下載速度超過1Gbps,上載速度亦超過130Mbps以上,對大眾唔同用家嘅需求都一定能夠滿足。

5G香港
5G香港速度實測

 

5G速度快,呢樣賣點唔少人都好明白,不過當中最貼地嘅用法,相信都係用喺「打機」上。雖然話對打機有用,不過好多人都唔知道 / 唔明白,5G點樣可以用嚟打機。相比其他電訊商,CMHK可以話快一步將5G應用喺遊戲上,特別推出自家品牌「UGame」雲遊戲平台,以免下載安裝為賣點。玩家只要配合5G網絡就能夠即時免下載即時遊玩超能手遊大作。旗下5G用戶可於6月30日前免費試玩UGame雲遊戲平台,不過日後收費詳情就未有資料。

5G香港
CMHK為旗下5G用家推出UGAME
5G香港
5G+雲平台就能做到免下載安裝遊戲就能玩
5G香港
UGAME有成近百款5G遊戲

5G香港
唔好以為係手遊就一定好渣,畫面一樣靚到Dum一聲
5G香港
而且手遊亦可配上藍牙手掣使用
5G香港
當然網上對戰遊戲亦無問題

 

同場加映

華為5G摺機Mate Xs!行貨天價機能有幾勁?

講起摺機,Mate Xs絕對唔係第一部。早喺上年就有Samsung Galaxy Fold及HUAWEI Mate X,不過Mate X香港並年行貨,而Samsung Galaxy Fold亦未支援5G。所以今次華為5G摺機Mate Xs就成為2020年首部香港見街嘅5G摺機。

華為5G
華為5G摺機Mate Xs算係上年Mate X嘅改良版

華為5G摺機Mate Xs算係上年Mate X嘅改良版,採用HUAWEI 獨有鷹翼摺合式設計,令手機與平板二合為一。平時摺埋個芒係一部手機,一打開就變成一部8吋嘅平板電腦。而且整體硬件:屏幕、摺合結構、5G、相機等方面都有所加強。

華為5G
華為5G摺機Mate Xs平時摺埋個芒係一部手機,一打開就變成一部8吋嘅平板電腦

摺合鏈鉸內藏超過100組零件,結構設計防止異物進入,而且部分零件使用比鈦合金更硬嘅鋯液態金屬物料加固。華為5G摺機Mate Xs屏幕採用一整塊雙層柔性光學物料製作而成,韌度、壽命比以往單層式設計更高,亦有助提升影像清晰度、色彩飽和度及光亮度。

華為5G
華為5G摺機Mate Xs屏幕採用一整塊雙層柔性光學物料製作而成
華為5G
華為5G摺機Mate Xs一機兩用

性能方面,華為5G摺機Mate Xs採用華為研發嘅旗艦5G處理器Kirin 990 5G,內置最高時脈達 2.86GHz嘅8核處理器及DaVinci架構AI處理器,更係市面上唯一採用 7nm+製程嘅5G晶片。而且一粒SoC已包括CPU及5G Modem,有效提升手機速度、5G連接及減少電量消耗。

華為5G
華為5G摺機Mate Xs採用華為研發嘅旗艦5G處理器Kirin 990 5G
華為5G
華為5G摺機Mate Xs內置最高時脈達 2.86GHz嘅8核處理器及DaVinci架構AI處理器

而華為5G摺機Mate Xs繼續用上Leica鏡頭,配備同Leica合作研發嘅四鏡頭相機,包括內置RYYB大型 CMOS嘅4000 萬像素超感光鏡頭、1600萬像素超廣角鏡頭、800萬像素超變焦鏡頭及ToF深感鏡頭,另外亦支援AIS + OIS雙防震技術,鐘意影相嘅用家一定滿意!

華為5G
華為5G摺機Mate Xs繼續用上Leica鏡頭

華為5G摺機Mate Xs算係上年Mate X嘅改良版摺機Mate Xs!行貨天價機能有幾勁?│科技控華為5G摺機Mate Xs算係上年Mate X嘅改良版摺機Mate Xs!行貨天價機能有幾勁?│科技控

當然,華為5G摺機Mate Xs最大特色當然就係手機、平板一體化,用家可以跟個人需要而隨時轉換。華為5G摺機Mate X摺合時配備6.6吋屏幕,使用時兩邊機身幾乎完全貼合,操作手感同傳統智能手機差唔多。 而翻開時則變成8吋屏幕,更可同時操作三個App,大大提升工作生產力。

華為5G
華為5G摺機Mate Xs最大特色當然就係手機、平板一體化

華為5G摺機Mate Xs

推出顏色:星際藍

官方建議售價:HK$19,888

華為5G摺機Mate Xs
華為5G摺機Mate Xs

YOU MAY ALSO LIKE ...