陳煒拍拖9個月想閃婚?!醫生男友已進駐香閨同居!|頭號粉絲

陳煒拍拖9個月想閃婚?!醫生男友已進駐香閨同居!|頭號粉絲

陳煒自2012年與前夫離婚後,就一直單身,唯幸好友黃智賢拉紅線,去年中遇上現任醫生男友陳國強(Aldous),兩人拍拖9個月,男方便火速住入陳煒家。雖然陳煒早就表示可以隨時閃婚,之不過,男友卻遲遲未有進一步的表示,現就同大家看看箇中的原由吧!

 

撰文、圖片:東方新地|編輯:八卦妹(原文刊於:東方新地

陳煒與醫生男友秘密拍拖9個月

去年中,陳煒被踢爆與醫生男友陳國強熱戀,當時被指是姊弟戀,但陳煒已極速強調:「我哋係同年㗎,唔好再話我大過佢喇!」對於新戀情,煒哥百分百重視,可見男友已是她心中的Mr.Right,而每次提及對方,煒哥都甜到漏,極力保護剛滋長的愛苗。即使陳國強表示是離婚後才與煒哥開始,仍避免不了惹人閒話,果然在二人戀情曝光後,即有人向傳媒爆料指陳國強其實未離婚,還有兩名女兒,直斥煒哥是「小三」,不過當事人陳國強即挺身而出為煒哥發聲,澄清一年前與前妻早已離婚及與煒哥拍拖時已回復單身,並聲言由於兩名女兒乃與前妻共同撫養,故雙方有見面,而兩個女兒亦知道他現任女朋友是煒哥。

陳煒
去年7月煒哥被爆跟陳國強醫生去峇里開醫學會議,她大方承認戀情,拍拖唔夠一年,發展至同居階段仍不時甜蜜外出拍拖。

 

陳煒
46歲的陳煒風韻猶存,早前出席有份主演的電影《墮落花》首映禮,一襲紅色低胸晚裝,美好身材盡現。
陳煒
女友出活動,陳國強在商場內呆等多時,等到所有商店都關門,他惟有以自備書本邊睇邊等。
陳煒
陳煒
陳煒
收到煒哥電話表示收得工,陳國強自動行去停車場拎車,未幾煒哥由保母車送到男友架車的所在位置,見她身穿高衩晚裝鑽入跑車車廂,都幾辛苦。

互相了解最重要 男友已進駐女家

與陳國強撻著後,煒哥事業愛情兩得意,成為無綫當家花旦劇接劇,與男友的生活更如魚得水,很快便發展到同居階段。據知情者透露,「煒哥同Aldous都經歷過婚姻失敗,大家都唔想再浪費時間,同埋知道溝通同了解係最重要,所以冇幾耐Aldous就搬入煒哥屋企住。女人四十仲係一枝花,再加上煒哥keep得咁好,Aldous覺得佢係一個不可多得嘅女人,亦好珍惜呢段情,不過講到要再結婚,就真係要諗諗先,始終佢仲要照顧前妻同兩個女,大女都係得十零歲,仲要供書教學多十幾年,個個月生活費都唔少嘢。Aldous覺得同煒哥一齊最緊要係心意相通,佢好識氹人,會話來日方長,佢哋又唔係急於結婚生仔,大家都視對方為終身伴侶已經好足夠。但有邊個女人唔想有名份㗎?煒哥拍拖初期曾經開到口講唔排除會閃婚,不過只係佢單方面嘅想法,好彩煒哥係個思想成熟嘅女人,亦知道呢啲嘢逼唔嚟,惟有繼續等。」

 

陳煒
呢日煒哥與男友山長水遠去西沙茶座醫肚兼談情,貪該處人流少,二人包場咁,是拍拖的好去處。
陳煒
陳煒
陳煒
陳國強醫生社交能力超高,對住冷靜成熟的煒哥,不時使出搞笑撒手鐧,表情鬼馬伸晒脷,仲邊行邊講口水多多,可惜呢日煒哥心情麻麻,表現好cool。
陳煒
陳國強愛型愛chok,座駕是鮮紅色的兩座位跑車,自從有了男友管接送,煒哥甚為享受做乘客。
陳煒
陳國強醫生社交能力超高,對住冷靜成熟的煒哥,不時使出搞笑撒手鐧,表情鬼馬伸晒脷,仲邊行邊講口水多多,可惜呢日煒哥心情麻麻,表現好cool。

貼地拍拖形影不離 男友願花心思

與前夫顏志行相處多年,最後不捨得放手都要分開,煒哥感受至深,所以與陳國強拍拖,她認為要了解為先,熱戀9個月至今,即使二人工作有多忙,煒哥要拍劇出騷,陳國強要忙著打理兩個診所與美容中心,但他們都一定抽空外出拍拖,早前本刊多次影到煒哥與陳國強離開油塘寓所,到西沙茶座醫肚談心,兩個人加埋近百歲,走在一起仍似足初戀,陳國強不時扮可愛整鬼臉氹女友。別以為與醫生拍拖一定出入六星級酒店過奢華生活,煒哥的貼地樸素,令她更獲陳國強寵幸。另一日二人現身深水埗,煒哥落車為男友去排隊買椰汁,之後又一齊幫襯舊式平民麵店。

 

陳煒
陳煒

 

陳煒
陳煒
陳煒
戴住黑超星味濃的煒哥,坐男友車去到深水埗,一個人落車去排隊買椰汁,之後再去幫襯平民麵店,同醫生拍拖唔一定食貴嘢,貼地拍拖一樣咁開心。

講到體貼,陳國強更樂於做司機管接送,早前煒哥出席電影宣傳活動,他在活動舉行期間已在附近呆等,最後夾啱時間在停車場接回煒哥,然後雙雙返家。煒哥的前夫與陳國強都是大忙人,但二人卻大不同,煒哥早前上電台做訪問,曾公開大讚男友會花心思去令她開心:「陳醫生唔算浪漫,但好細心,佢畫公仔好靚,最浪漫就係親手畫卡。以前同前夫就係佢不斷外出工作開會,返到屋企只會話好攰情願瞓覺,即使我想了解佢,佢都唔想傾,我唔會勉強人,但久而久之,就變成補救唔到嘅關係。依家我同陳醫生仍喺溝通階段,所以大家唔好催婚!」

 

陳煒
陳煒

 

陳煒
陳煒
陳煒
另一日陳國強在奧海城診所收工,即飛奔去戲院買定飛與煒哥拍拖睇戲,果然係個窩心男友。

欣賞男友是個有承擔的男人

除了為人細心識畫公仔氹煒哥一笑,陳國強對前妻與女兒的承擔,也是煒哥欣賞他的其中一個原因。知情者透露:「雖然唔再係夫妻,但Aldous係一個負責任嘅男,前妻同兩個女嘅生活依然無憂,而且大家關係仲維持得好好,佢絕對唔係一個離婚後就乜都唔理嘅老公同爸爸。煒哥亦好大方同體諒,知道佢每星期都會抽時間去見屋企人,煒哥完全唔會詐型,反而覺得一個有擔帶嘅男人一定唔會衰得去邊。」早前本刊記者在沙田撞到陳國強與前妻及女兒家庭樂,囡囡見到爸爸好興奮,而陳國強亦收起對住女友的調皮,擺出嚴父模樣,飯後前妻把一疊信件交給他,最後分車離開,陳國強返回陳煒香閨。

 

陳煒
早前陳國強與前妻及女兒在沙田會面,大女亭亭玉立約12歲,細女約10歲,囡囡見到爸爸難掩興奮,不過陳國強就擺晒老竇款。
陳煒
飯後步出餐廳,陳國強前妻從袋中拿出一疊信件,他取過信件後邊行邊拆。
陳煒
陳煒
陳煒
陳國強與前妻分開後,兩個女兒跟母親居住,這晚飯後分車離開,前妻揸七人車接載女兒,陳國強則揸車返回煒哥位於油塘的寓所。

錯愛過一次的煒哥,汲取過去經驗,揀男人自然更慎重,陳國強醫生高大威猛、為人成熟又事業有成,最難得是對煒哥一條心,雖然未肯再婚從此被困,但睇得出誠意十足,所以煒哥等吓亦無妨,好好經營呢段關係為上。

 

陳煒
08年煒哥下嫁首任丈夫顏志行後,嫁雞隨雞先後移居台灣、北京同泰國合共四年,12年她向前夫提出搬回香港照顧患病父母,最終換來對方主動提出離婚,她負傷返港復出,與前夫拉扯了數年才真正分開。
陳煒
去年煒哥在好友黃智賢撮合下認識了陳國強,二人一拍即合,男方採取猛攻追求,終得到煒哥芳心,令她放下前夫敞開心扉去愛。
陳煒
煒哥廚藝精湛,不時煮住家飯餵飽男友,日前親自去街市買餸仲巧遇就快做爸爸的陳山聰,美女廚神絕對是賢妻之選。

 

陳煒
身為亞姐冠軍的煒哥多年來keep得甚好,除了食得健康仲勤做運動,就連高空瑜伽亦難唔到佢。
陳煒
陳煒
陳煒
加盟無綫近八年,煒哥由最初《金枝慾孽2》客串兩集,到《梟雄》、《宮心計2之深宮計》、《果欄中的江湖大嫂》、以至最新熱播的《法證先鋒IV》,終被認定一線花旦地位。劇接劇的煒哥曝光率與人氣高企,演技仲超晒班。

YOU MAY ALSO LIKE ...