陳智燊宋熙年再榮升做爸媽 網上宣布懷有第二胎！｜頭號粉絲
原文：東方新地、八卦妹｜來源：雷霆881商業一台｜圖片來源：官方影片截圖、陳智燊、宋熙年 Instagram｜編輯：八卦妹（原文刊於：東方新地）
陳智燊宋熙年網上宣布懷有第二胎
陳智燊、宋熙年自2016年結婚後，絕對是夫唱婦隨，齊齊離開TVB，轉戰做Youtuber，收入不減反升，直至2018年時，更誕下仔仔Damon！事隔兩年，Jason剛在個人社交平台上籲大家要Stay at home外，仲同大家宣布好消息，就是他們再度做爸媽，成功懷有第2胎。宋熙年還表示：「在過去幾個月，作為媽媽有新的責任和挑戰，因將會有新的家庭成員，所以在這過去的期間內，要令家人變得強壯、健康，照顧同保護家人是目前最重要的任務。」
陳智燊、宋熙年發出貼文不足一小時，即獲得大量網友的道賀，而他們的好友李亞男、岑杏賢、區永權等均有留言：「Congratulations」給陳智燊宋熙年。
地下情7年 終開花結果
陳智燊在去年初時就曾接受一電台訪問時表示，當年同宋熙年一齊主持《娛樂新聞台》而認識，互相深入了解幾年後先正式開始拍拖。陳智燊指當時自己係一個好小心、好慢熱嘅人，但宋熙年就剛好相反，經常「bilibala」、好開朗，二人形成一個強烈對比，可能就係一凹一凸，令佢哋一拍即合！
同宋熙年拍拖9年，其中有7年係地下情，陳智燊喺節目坦言當時要同宋熙年扮唔識：「唔可以拖手、唔可以傾偈，大家要扮普通朋友。都唔算辛苦只係經常有好多無聊嘅戲要演，好似喺公司一齊開會，或者同同事食飯，會故意坐開啲，扮陌生咁打招呼。」
宋爸爸60大壽當日求婚
拍拖9年，係時候要考慮一下人生大事，陳智燊話求婚當時非常驚險，要特意向劇組請假，仲要喺一日之內來回香港同澳洲：「當日我等佢做完節目之後，坐夜機返澳洲慶祝佢爸爸60大壽，我咪扮拍劇一早出門喺街度遊蕩，等佢出門口就即刻拎行李去機場。」行程雖然非常趕，但最後陳智燊都成功製造驚喜，抱得美人歸！
過往Jason曾多次表示入TVB最大的得著，就是認識到太太宋熙年，他指：「迎娶太太宋熙年，已是我人生的大獎。」，抱得美人歸。
希望生三個孩子
陳智燊同宋熙年結婚一年幾就造人成功，2018年9月就迎來佢哋第一個愛情結晶品Damon。陳智燊揚言希望生夠3個：「我想家庭熱鬧啲，始終我自己係四兄弟，成長環境就係打交、鬧交、爭嘢，幾開心嘅，如果可以俾個仔咁嘅環境，我覺得都會好幸福。」
