華為5G摺機Mate Xs見街!香港行貨天價手機咩價格?機能有幾勁?

電子產品

廣告

華為5G摺機Mate Xs係今年最快見街嘅5G手機,而且最特別嘅就係可摺機身。除咗Mate 30 5G,到底呢部Huawei華為5G摺機Mate XS香港行貨賣幾錢?今次就為大家介紹下呢部華為5G摺機,睇完就算唔即刻衝去買都可以去試玩下!

撰文:海月|圖片:華為HUAWEI

華為5G摺機Mate Xs見街!香港行貨天價手機咩價格?機能有幾勁?

講起摺機,Mate Xs絕對唔係第一部。早喺上年就有Samsung Galaxy Fold及HUAWEI Mate X,不過Mate X香港並年行貨,而Samsung Galaxy Fold亦未支援5G。所以今次華為5G摺機Mate Xs就成為2020年首部香港見街嘅5G摺機。

華為5G
華為5G摺機Mate Xs算係上年Mate X嘅改良版

華為5G摺機Mate Xs算係上年Mate X嘅改良版,採用HUAWEI 獨有鷹翼摺合式設計,令手機與平板二合為一。平時摺埋個芒係一部手機,一打開就變成一部8吋嘅平板電腦。而且整體硬件:屏幕、摺合結構、5G、相機等方面都有所加強。

華為5G
華為5G摺機Mate Xs平時摺埋個芒係一部手機,一打開就變成一部8吋嘅平板電腦

摺合鏈鉸內藏超過100組零件,結構設計防止異物進入,而且部分零件使用比鈦合金更硬嘅鋯液態金屬物料加固。華為5G摺機Mate Xs屏幕採用一整塊雙層柔性光學物料製作而成,韌度、壽命比以往單層式設計更高,亦有助提升影像清晰度、色彩飽和度及光亮度。

華為5G
華為5G摺機Mate Xs屏幕採用一整塊雙層柔性光學物料製作而成
華為5G
華為5G摺機Mate Xs一機兩用

性能方面,華為5G摺機Mate Xs採用華為研發嘅旗艦5G處理器Kirin 990 5G,內置最高時脈達 2.86GHz嘅8核處理器及DaVinci架構AI處理器,更係市面上唯一採用 7nm+製程嘅5G晶片。而且一粒SoC已包括CPU及5G Modem,有效提升手機速度、5G連接及減少電量消耗。

華為5G
華為5G摺機Mate Xs採用華為研發嘅旗艦5G處理器Kirin 990 5G
華為5G
華為5G摺機Mate Xs內置最高時脈達 2.86GHz嘅8核處理器及DaVinci架構AI處理器

而華為5G摺機Mate Xs繼續用上Leica鏡頭,配備同Leica合作研發嘅四鏡頭相機,包括內置RYYB大型 CMOS嘅4000 萬像素超感光鏡頭、1600萬像素超廣角鏡頭、800萬像素超變焦鏡頭及ToF深感鏡頭,另外亦支援AIS + OIS雙防震技術,鐘意影相嘅用家一定滿意!

華為5G
華為5G摺機Mate Xs繼續用上Leica鏡頭

當然,華為5G摺機Mate Xs最大特色當然就係手機、平板一體化,用家可以跟個人需要而隨時轉換。華為5G摺機Mate X摺合時配備6.6吋屏幕,使用時兩邊機身幾乎完全貼合,操作手感同傳統智能手機差唔多。 而翻開時則變成8吋屏幕,更可同時操作三個App,大大提升工作生產力。

華為5G
華為5G摺機Mate Xs最大特色當然就係手機、平板一體化

華為5G摺機Mate Xs

推出顏色:星際藍

官方建議售價:HK$19,888

華為5G摺機Mate Xs
華為5G摺機Mate Xs

 

同場加映

5G月費竟然平過4G!每GB原來$4都唔使

日前終於有香港電訊商公布5G月費,到底比4G快3倍嘅5G收幾錢?3HK表示5G月費最平只係需要$388,而且更係100GB用量!3HK現時4G最貴個人Plan月費為$428,而且只有25GB用量,對高用量用家嚟講5G絕對係超抵用之選!

5G月費
5G月費竟然平過4G!

 

5G月費
3HK 4G月費
5G月費
3HK 5G月費

以現時月費計翻,4G同5G每1GB嘅價錢就分別為:4G每GB費用約$17.12,而5G每GB費用為$3.88!基本上5G月費基本數據用量高達100GB,而且每GB價格較低,速度亦比4G快得多。正正因為有5G有比4G高速、低延遲等好處,用家反而日常生活會不知不覺用得比平常多數據。以Youtube睇片、上網煲劇嚟計,一套長約1小時嘅4K影片,4G下載嘅時間約3~5分鐘,而5G大約只需要10秒。所以如果比開家庭Plan、高用量嘅朋友,不妨考慮轉用5G反而更平更抵用!

5G月費
5G大約1GB電影只需要10秒
5G月費
對高用量用家嚟講5G絕對係超抵用之選!

 

有興趣了解更多嘅朋友不妨去以下連結了解下!

https://bit.ly/395jef6