我有俾你砌㗎! LEGO × Belkin iPhone case

我有俾你砌㗎! LEGO × Belkin iPhone case


有啲產品注定天生好玩,好似呢個LEGO×Belkin iPhone手電殼,唔使多作介紹,大家都應該心神領會。呢個手電殼有LEGO版權,機殼背面有塊藍色底板,只要用LEGO就可以任砌,肯花心機,絕對唔會有撞款情況,只要你鍾意,真係成座燈塔擺上去都冇人有資格笑你,而且重可以經常保持新鮮感,諗起都開心。就算唔額外買LEGO砌,本身紅、黃、藍色都夠sharp,近排個天陰陰濕濕,靠個殼氹番我哋開心,一齊砌啦喂!

text-Nam photo-Billy

http://www.youtube.com/watch?v=dSvxby1PuxA

DSC_6734

售價:iPhone 6($369)/ iPhone 6 Plus($389)
查詢:全線LOG-ON
堅砌教學
呢個LEGO case並唔係齋砌,本身用半柔性外框架,加硬塑料後蓋,有良好減震保護功能之餘,亦唔怕電話刮花。唯一挑剔位,就係只對應iPhone 6同6Plus,Android機、iPhone 5等全部冇得玩。除咗好睇同過癮之外,都重有實際用途,等我哋分享兩個俾大家參考下。(留意番,LEGO要自己買,個殼唔包)

Belkin畢竟係手電配件專家,case咁小兒科唔會出錯,預好晒窿位俾部機,另外可見個殼有一定厚度。
Belkin畢竟係手電配件專家,case咁小兒科唔會出錯,預好晒窿位俾部機,另外可見個殼有一定厚度。

1.影相必備hand grip

簡單但實用,只要喺底板度用LEGO自由砌出一個微微突起空間,拎上手佢就會變成好用hand grip。
簡單但實用,只要喺底板度用LEGO自由砌出一個微微凸起位,攞上手就會變成好用hand grip。
拎上手堅work,拇指掀掣都易好多,唔怕跌機,連攝影師都大讚有計!
攞上手堅work,手指公掀掣又容易,唔怕跌機,連攝影師都大讚有計。

2.好玩實用滑板架

出街就可以玩hand grip,返到公司或屋企,呢個滑板形態就最fit,玩得又易拎起。
出街就可以玩hand grip,返到公司或屋企,呢個滑板形態就最fit,玩得又易攞起。
咁砌法重有意思,就係將佢當成手電座檯架,睇片一流。
咁砌法重有意思,就係將佢當成手電座檯架,睇片一流。
攝影師又話,其實後面有窿都可以穿埋手指防跌,好似真係得喎!
攝影師又話,其實後面有窿都可以穿埋手指防跌,好似又真係得喎。

YOU MAY ALSO LIKE ...