周汶錡原諒老公Julien偷食 著情侶裝慶祝Kathy 46歲生日|頭號粉絲

流行娛樂

廣告

周汶錡(Kathy)自2012年與法籍富老公Julien Lepeu拉埋天窗後,就以高齡生埋兩個混血囝囝Jacques(4歲)及Avner(2歲),周汶錡更不時在個人社交網站內發貼文,一家四口幸福美滿!而昨日「5.20」亦適逢周汶錡生日,Kathy便連同老公Julien,和朋友蔡一智夫婦一同慶祝,從相中可看到Kathy同老公十分甜蜜。

 

撰文、圖片:東方新地|編輯:八卦妹(原文刊於:東方新地

周汶錡原諒偷食老公 齊著白衫情侶裝曬恩愛

周汶錡(Kathy)昨日46歲生日,適「5.20」這特別的日子,周汶錡就在個人社交網IG上載一對寶貝混血囝囝Jacques(4歲)及Avner(2歲)錫啖媽媽當生日禮物,並有留言:「520 多謝大家的生日祝福,愛你們!」

周汶錡

 

周汶錡

 

而與周汶錡(Kathy)十分老友的蔡一智夫婦亦有到其住所內與她慶祝,從相中可看到,周汶錡(Kathy)與老公Julien Lepeu齊齊穿上白色衫,以情侶裝示人,Julien還挨實老婆,十分甜蜜,可見兩人已將三個月前,Julien Lepeu在距離淺水灣寓所只5分鐘車程的深水灣,與一名貌似Mandy Lieu的外籍女性又攬又錫的事件放下,雨過天青,和好如初。

 

周汶錡

 

周汶錡

周汶錡情傾法國型男姊弟戀修成正果

周汶錡(Kathy)憑甜美面孔與高䠷身形,出道不久已躋身名模之列,感情史除了杜德偉,還有大量名人及富家子追求,06年遇上比她細三年的鑽石級筍盤Julien Lepeu,來自法國的型男正是周汶錡那杯茶,拍拖六年雖然曾有暗湧,甚至有傳因女方逼婚不遂而一度分手,但12年9月終於修成正果,在法國南部的古城格拉斯(Grasse)舉行浪漫婚禮,此後夫婦二人恩愛無比,15年周汶錡更以41歲的高齡誕下大仔Jacques。

周汶錡
周汶錡和法籍丈夫Julien Lepeu拍拖六年,終於12年修成正果,在法國古堡莊園Chateau Diter舉行千萬豪華婚禮,二人有如童話故事中的主角
周汶錡
去年9月慶祝了結婚七周年,周汶錡與Julien今年還放閃過除夕,與大班好友在外地倒數迎接新一年
周汶錡
早前周汶錡夫婦還帶埋囝囝一起去滑雪,過了一個白色農曆新年。

 

 

寓所附近會女無懼疫情忘形狂啜

兒子出世後,周汶錡與Julien都盡力做個稱職父母,周汶錡在 Jacques一歲多再陀第二胎,產後未有放棄名模工作,而老公Julien無時無刻都表現出廿四孝爸爸的模樣,閒時湊仔為樂,但原來全部都是假象,趁老婆周汶錡出埠,就是作反的好時機。早前本刊記者在深水灣的沙灘茶座見到Julien,該處與他位於淺水灣的家只相距不多於 5分鐘的車程,他把其白色開篷Benz停泊於路邊錶位,身邊女伴並非 老婆周汶錡,而是一位貌似Mandy Lieu的外籍中女。

周汶錡
這日下午5時許,周汶錡老公Julien與一名貌似Mandy Lieu的女伴,在深水灣茶座見面。(Credit:東方新地相片)

 

周汶錡
唔使熱身已經埋牙,不停啜嘴交換口水,二人均表現興奮。(Credit:東方新地相片)

 

周汶錡
Julien平時左手無名指有戴婚戒,這日會女卻未有戴上婚戒。(Credit:東方新地相片)

當時已下午5時許,Julien的女伴點了一碟雞翼飯,如狼似虎大 啖食,Julien飲啤酒陪食,飽肚後二人愈坐愈埋,傾偈深情互望一 輪,就開始埋牙激咀,在新冠肺炎肆虐下,冇戴口罩之餘,二人還毫不避忌交換口水,次數多到數唔到,總之邊飲邊傾一有眼神交流就啜,像極一對熱戀中的情侶般欲罷不能。現場所見,Julien望住女伴即呈現心心眼,不時溫柔地撫摸對方的頭髮又錫額頭,女伴亦含春畀反應,二人有大量的身體接觸而毋須熱身,關係非比尋常。攬實享受二人世界一個半小時後,Julien埋單去攞車,女伴亦先去洗手間,然後跳上他的車一同離開,車子經香港仔隧道極速行走。

周汶錡
Julien連飲三杯啤酒,女伴叫了一碟雞翼飯大啖食,其間Julien食指大動,徒手執飯放入口,好豪氣。(Credit:東方新地相片)

 

 

周汶錡
食吓飲吓又互啜吓,二人十指緊扣面貼面,Julien更用鬍鬚不停摩擦女伴的面,女方一臉受落。(Credit:東方新地相片)

 

 

周汶錡
由坐低開始,二人真係啜嘴未停過,絕對唔會係初相識。(Credit:東方新地相片)

 

 

周汶錡
現場所見,二人好似初戀一樣,攬實狂咀如入無人之境,仲不時互望傳情,甜蜜程度爆燈。(Credit:東方新地相片)

 

 

周汶錡
Julien埋單去攞車,女伴先去洗手間,原來中女版Mandy Lieu身形高大,身材亦豐滿

 

 

周汶錡
之後坐上Julien架白色開篷Benz離開。

 

Julien早有前科 曾啜奀星酒吧攬女

身為人夫人父的Julien,已把妻與子拋諸腦後,只顧埋頭沉醉於溫柔鄉,這日就連婚戒都除得快,一身輕鬆晒。據知情者透露:「法國人天生就好感 性同鍾意追求心靈溝通,Julien都唔例外,佢好易就動情,之前同周汶錡未結婚已經有前科畀人影過啜奀星,有女人自動埋身,佢真係好易出事。其實早半年已有人見過Julien喺中環Soho成日同一個外籍女仔一齊食飯同飲嘢,不過周汶錡眼不見為乾淨!估唔到佢愈嚟愈大膽,約個女仔喺屋企附近見面,佢可能諗住自己最近發福咗唔少,外國人個樣個個差唔多,冇人認到佢,點都好,佢今次真係玩火。」

周汶錡
上月情人節,周汶錡只在社交網上載兩個仔在其結婚畫像前的照片放閃,未見有任何慶祝活動。

 

周汶錡冷靜回應:唔好問我!

記:呢排疫情咁嚴重都帶小朋友出街?
周:佢哋出嚟剪頭髮。

記:上個月情人節唔見你同老公Julien一齊出嚟嘅?
周:佢飛咗!

記:我哋影到佢同一個女仔出街仲有親熱行為,你識唔識個女仔?(遞上Julien與女友的親熱照給她過目)
周:(瞄了照片兩秒)咩事呀你哋?

記:你老公近排係咪成日出街?
周:吓!唔好再問喇!唔好問我!

記:佢同個女仔好似唔止一次一齊出去?
周:係咪呀?

記:咁你有冇嘢想回應?
周:冇呀!唔該,bye bye!

周汶錡
上周二 (3日) ,周汶錡一拖二到達銅鑼灣利舞臺,帶兩個仔去剪頭髮,Jacques與Avner等𨋢時好調皮周圍走,搞到媽咪手足無措。

 

周汶錡
周汶錡睇完本刊記者遞上老公Julien與女友人親熱的照片,反應冷靜刻意迴避。

 

周汶錡
周汶錡隨即拉住兩個仔入𨋢,顯然唔想面對。