韓謎日誌-星級salon美容室篇
韓國salon統稱美容室（미용실)，因為喺韓國美容室裏面，除咗剪髮、修甲之餘，亦有化妝服務提供。而大部分星級美容室多位處於江南區，如清潭洞及狎鷗亭等嘅高尚住宅商業區，就等於香港嘅中環或者銅鑼灣。而佢哋通常係1棟幾層，每層分成hair、make up同埋nail service，非常專業，所以客人去完1樓整頭後，就要上番2樓化妝，同時亦有3、4個助手跟住你，星級嘅待遇都咪話唔巴閉！
Avenue Juno
喺星級美容室入面嘅顧客，大致分3種：闊太、明星及新婚夫婦。闊太當然就係最多時間同子彈，同香港富豪太太冇乜分別，閒時最鍾意去high tea 前恤個靚髪。而韓國嘅明星同新婚夫婦，都要親身去美容室整頭同化妝，同香港嘅化妝師及髮型師要貼身跟住啲星或者新娘好唔同。通常韓國明星喺錄影節目之前，會一早去到美容室準備，再由經理人或助手接送去拍攝現場。而新婚夫婦亦一樣，無論拍攝結婚照或行禮，都係先去到美容室扮靚，因為韓國婚禮形式比較短，而且妝容比較清簡，唔需要化妝師長駐，如果係拍攝結婚照，婚紗公司會派助手姨姨貼身跟住新娘幫佢補妝或換頭飾。
近幾年韓風熾熱，好多人飛去韓國影婚紗相，貪佢哋影得有型又有風格，而且妝扮髮型都極為討好，通常韓國婚紗攝影style比較喜歡戶內，佢哋有好多間studios，又有唔同風格任你揀！就嚟好事近嘅你哋，不妨考慮下！
Pink (핑크)
韓妝達人，本來過着刻板OL生活，自小愛扮靚，更鍾意韓國潮流文化，幾年前隻身遠赴韓國學藝，在江南著名化妝學府Atelier Makeup Academy實習，曾參與過無數韓國fashion shows的化妝實戰，亦試過為韓國小姐化妝。回流香港後，創辦Pink Evolution化妝學校，教授地道韓式化妝，又代理韓國化妝及護膚品牌。Pink長期港、韓兩邊飛，極為熟悉韓國地道及最新的潮流文化，連本土韓國朋 友亦為之驚歎！
詳情可瀏覽本人facebook 專頁PinkEvolution
《Instagram》 : PINKEVOLUTION
