鍾麗緹22歲混血大女Yasmine盡得媽媽真傳 愛拍片望入娛樂圏發展｜頭號粉絲
廣告
鍾麗緹曾是一代性感女神，自從與年輕12歲嘅內地藝人張倫碩再婚後，一家人生活幸福快樂！而最新有不少人在他們一家的相片中發現，鍾麗緹與第一任比利時丈夫Glen Ross的22歲混血大女Yasmine，鬼妹仔外貌仲似足媽媽，並擁火辣身材，完全遺傳咗媽媽鍾麗緹嘅女神基因！
撰文：東方新地｜圖片：東方新地、Yasmine IG｜編輯：八卦妹（原文刊於：東方新地）
鍾麗緹三段婚姻三個女 全跟繼父改姓張
鍾麗緹曾經歷三段婚姻，與第一任比利時丈夫Glen Ross誕下混血大女Yasmine，之後與第二任台灣丈夫嚴錚再誕下二女Jaden及細女Cayla，至2017年嫁畀張倫碩後，鍾麗緹決定將三名女兒跟繼父改姓張，一家人亦相處融洽。
22歲混血索爆大女課餘愛拍片 有望入娛樂圈
轉眼間鍾麗緹大女Yasmine已經 22歲長得亭亭玉立，鬼妹仔外貌仲似足媽媽，不單有精緻五官，仲有火辣身材，完全遺傳咗媽媽鍾麗緹嘅女神基因！據知Yasmine現正身處加拿大西門菲莎大學讀書，見佢平時都有同班同學拍吓短片，睇嚟好大機會步媽媽鍾麗緹後塵進軍娛樂圈，不過以Yasmine嘅條件完全唔成問題啦！
