陸浩明在節目「口快過腦」講沙士源頭係香港 凌晨連環發文道歉｜頭號粉絲

40歲陸浩明「口快過腦」講沙士源頭係香港！

無綫節目《後生仔傾吓偈》最新一集中，就以討論沙士和新型冠狀病毒肺炎以及講防疫意識和措施作為議題，期間，主持之一的陸浩明 (6號) 竟爆出一句：「因為香港係嗰個病毒 (沙士) 嘅源頭。」雖然身邊的好拍檔馮盈盈即場作出澄清，但已惹起一眾觀眾、網民的公憤，不少人去到6號的Facebook、IG等個人社交平台上留言，直指鬧他報導失實，錯得離譜，甚至說要抵制他的代言產品。

陸浩明凌晨回覆發致歉文向網民卻愈講愈錯

面對一眾網友的指罵，6號深夜、凌晨連環出文致歉，但致歉文錯字甚多，「修正」寫做「收正」，「補充」寫作「保充」等，被網民嘰笑「40歲人講句嘢都錯、字又唔識寫」。

「唔好意思」聲明

「各位, 真係唔好意思要講句sorry！我知道沙士源頭係來自廣州，大家截圖嘅一句，係因為當時我口快快講錯咗，其實之後我都有喺節目入面修正源頭來自一個廣州嘅教授，之後Fyy（馮盈盈）都有補充，節目入面我哋亦有提及，但之後大家再討論一陣好快就已經轉咗topic。令大家誤會係因為當時我嘅口誤，加上無即時做出適當嘅修正，令大家誤會，我再一次向大家講聲唔好意思🙏🏻其實我意思是指沙士當年在香港”大型爆發”!!我會自己罰抄1,00次 “sorry我説錯了”，希望大家可以原諒本人當日嘅口誤」

隨後，他又再發出帖文表示：「再一次，同大家講聲唔好意思，對唔住！因為一時疏忽，口快過腦，喺節目講錯咗重要資訊，但當時掉以輕心，冇即時糾正令大家誤會，真係對唔住。之後如果小弟要提及重要資訊會更加小心！小心！小心！」

網友怒火難消 指發文道歉無誠意

有不少網友看到節目後，即時怒火中燒，紛紛走到6號的Facebook、IG等個人社交平台上留言，並表示：「吾該你澄清反點解當年沙士會令到香港變疫港！吾好亂咁講野！」、「唔該講返清楚係因咩事道歉 唔好企圖避重就輕阿」、「錯就講番岩咯 就咁道歉冇意思 你連自己錯乜都唔提 唔更正番 司馬昭之心」