43歲側田演唱會爆大鑊 未婚有女嚇親Fans

43歲側田演唱會爆大鑊 未婚有女嚇親Fans

唱歌唱得好、緋聞又不少,43歲側田早排喺演唱會語不驚人誓不休,竟然自爆有個女仲自責少陪阿女成長喎!

撰文、圖片:東方新地

側田一家三口好幸福老夫老妻羨煞旁人

好彩虛驚一場,後台做訪問時解畫話演唱會劇情需要啫!其實雖然未結婚未生女,好多人都知側田同女友Karen拍拖多年一早關係似足老夫老妻,仲有隻狗女叫Bubu,之唔係等同囡囡一樣愛錫囉。

剛剛在廣州開演唱會的側田,又要為下一站巡迴演唱會準備。
剛剛在廣州開演唱會的側田,又要為下一站巡迴演唱會準備。

廿四孝男友巡迴空檔陪女友

不過呢日兩「公婆」外出,就唔見寶貝女喇,純屬二人世界拍吓拖。 做完香港演唱會,緊接住就係廣州、中山、悉尼各地巡迴,忙到出煙都識得抽空陪女友,呢啲男朋友去邊度搵?

拍拖四年,感情穩定,忙完香港演唱會又忙巡迴,一趁在港有時間,側田帶住女友 Karen 外出撐枱腳。
當發現記者,女友Karen斯文又怕醜立即掉 頭走,側田雖然一臉愕然,為保護女友,以 身遮女友入舖去避鏡頭,再call司機救駕。
關鍵詞
側田

YOU MAY ALSO LIKE ...