鄭嘉穎陳展鵬努力賺奶粉錢 陳凱琳單文柔偷閒帶靚B對親家

流行娛樂

廣告

陳凱琳和單文柔同是港姐出身,不過唔係同屆,喺無綫亦冇咩合作 機會,但大家個BB同期出世,因為傾BB經,呢兩位新手媽媽成為好友。

Cute爆B仔B女現身 單文柔爭住抱

陳凱琳同單文柔同樣為了BB而犧牲事業,將時間心力都放晒喺BB 度,除此之外,兩位媽媽最相似嘅地方,就係同樣擁有一個超級靚B。

陳 凱琳九個月大囝囝鄭承悅(Rafael),完全遺傳父母的優良DNA,眼大 大、五官似爹哋鄭嘉穎,下巴尖尖笑起嚟又似媽咪甜美可人,唔止父母 錫到燶,連單文柔抱住Rafael都愛不釋手,大讚可愛!

老公搵錢老婆歎帶B對親家

近日單文柔帶埋標緻又可愛嘅囡囡陳諾瑤(Quinta)去探Rafael,讓 兩位小朋友自己「聯誼」一番,鄭嘉穎同陳展鵬都忙開工,兩位太太就 歎茶食點心,好鬼寫意。

Rafael大Quinta兩個月,一同成長,稱得上青梅竹馬,被網友笑指二人對親家,兩個靚B細個已經咁標緻,大個一定 引死異性!真係要一早「落訂」呀!