瑪利歐全新旅行周邊!可愛與實用性兼備 │新蚊買物王

遊戲動漫

廣告

香港人生活忙碌,壓力又大,所以好鐘意去旅行。除咗靚景點、靚酒店、平機票同地道美食,另一樣佢哋好留意嘅就係旅行用品。今次任天堂就以《超級瑪利歐》為主題,推出全新的旅行周邊產品,一齊嚟睇下呢啲超Qute小物啱唔啱你!

撰文:海月丨圖片:任天堂

瑪利歐全新旅行周邊

其實今次並非任天堂首次推出旅行周邊產品,去年就推出過「超級瑪利歐TRAVEL周邊」(Super Mario Travel Goods),將瑪利歐大叔及一眾夥伴融入日常生活,鎖定最具實用性的旅行小物,打造包括行李箱在內等一系列商品。

來到新一年旅行旺季,賣周邊賣上癮的任天堂亦決定再一次出手!今年推出的旅行周邊產品以隨身便利小物為主,而且全部設計都超多巧思,非常吸引熱愛旅行的朋友!官方率先公布其中4款便利小物,有無一款合你心水?

證件吊牌

出自《超級瑪利歐》系列經典必定出現的「瑪利歐 x 水管」有趣場景,特別選用16 bit 畫風還原原作。當將伸縮吊帶一拉,瑪利歐就會從水管內一躍而出!

官方售價:2,000Yen(未連稅)

最終章隨身小型肩包

每集遊戲到最後,到會遇上魔王庫巴關卡,玩家這時候都要控制瑪利歐到處跳。而魔王庫巴就藏在網袋背後,守著碧姬公主。這個隨身小型肩包,有著多個內外夾層,實用收納性相當高,絕對是出門旅行時貼身攜帶之選!

官方售價:2,500Yen(未連稅)

幽靈眼罩

膽少容易害羞的幽靈,雖然平時睇起嚟兇巴巴又愛嚇人,不過其實都相當萌。今次推出嘅幽靈眼罩,附送同款收納袋,使用完後就可以好好收好。

官方售價:1,800Yen(未連稅)

食人花雨遮套

去旅行最怕遇上天氣問題,所以唔少朋友都會帶上一把縮骨遮。今次任天堂推出嘅食人花雨遮套實用度超高!內襱有吸水設計,就算濕立立收遮都一樣可以清爽隨身!

官方售價:2,200Yen(未連稅)