余文樂微博發言: 我是中國人 這一點無需多言 網民炮轟:「牛屎佬黎」|新蚊熱話|

余文樂微博發言: 我是中國人 這一點無需多言 網民炮轟:「牛屎佬黎」|新蚊熱話|

永遠唔夠FC鬥嘅余文樂666呢排又有新搞作,唔係又有新聯乘推出,而係佢近日就住反送中運動再次發表「偉論」,於微博發言指:「 我是中國人 這一點無需多言」,更加與自己Madness Team、曾因反送中發表意見嘅好「兄弟」Kiu Leung極速割席,完美展現咗食三家茶禮嘅好態度!

撰文:我愛EDC丨圖片:連登,InstagramFacebook

余文樂微博發言「愛中國論」引炮轟

就於8月5日(星期一)嘅,全港正進行三罷(罷工、罷市、罷課)運動嘅時候,余文樂於微博上就發表咗一篇偉論,直指自己係一個「土生土長的香港人」,「看到那麼多憤怒與暴力感到痛心」。睇到呢度都冇乜問題,仲以為樂仔佢咁好,撐香港人。點知最後整句:「我是中國人 這一點無需多言」,即時引來網民(香港)炮轟。

余文樂

除此之外,更立刻和「余文樂工作室」當中嘅好「兄弟」Kiu Leung正式割席,直指自己並非撐港獨,而同Kiu Leung亦只不過係工作伙伴,從來都未談及過致治問題等等,呢下割席仲快過由油麻地行去旺角呀喂!

View this post on Instagram

#ahhhbart

A post shared by KIU LEUNG (@kiu_leung) on

網民亦都就住呢件事議論紛紛,有網民炮轟指:「用殘體字咁打「香港土生土長」,你返你個強國到繼續抄人哋啲衫啦,反正強國都冇版權可言。」,更有網民直言余文樂係「L樣」。但當中都有網民樂極生悲咁話:「好過達哥,敢認」

每個車架都貼上鐳射標籤,有簽名標示邊1位McLaren技師負責完成。

更有人指樂壇小強阮民安Tommy Jai都好過余文樂,起碼Tommy Jai係行前線會上街,但余文樂就奶共奶到出汁。除此之外,亦有網民發現余文樂食晒三家茶禮,微博就讚中國,IG就講香港,老婆就娶台妹,真係俾佢講晒。

余文樂老婆王棠云係台灣人

而事件發生不足幾小時,余文樂已經留意到自己講錯嘢,即刻將IG都變做Private,廢事自己留言區繼續俾人炮轟。有網民更加留意到佢嘅IG Follow人數由短短兩個鐘就跌咗成4萬,認真so9sad。

請無視大陸人

 

唔少有追開潮流圈嘅朋友都知道余文樂主理Madness呢個牌子(抄吓Wtaps又抄下NEIGHBORHOOD),已經傳出過好多次抄襲風波,連FC駕駛者陳冠希EDC都話Madness其實係「Sadness」,睇嚟EDC當時真係行得太前,依家諗返其實EDC先係真正潮流教父。

網上都有唔少潮人開始鄙視Madness呢個牌子,於潮流Group受Madness嘅產品拎嚟破壞,更有人嬲到即刻剪爛Madness嘅服裝。

YouTuber仲民Galaxyman都收到觀眾寄俾佢嘅影片,即席將Madness嘅產品剪爛晒,以表示對余文樂嘅不滿,亦表示以後都唔會撐呢個「中國」牌子。

小編總結:余文樂永遠都係唔夠FC鬥…FC鬥….FC鬥…

 

 

 

YOU MAY ALSO LIKE ...