6月12日野餐Plan 首推添馬公園|新蚊野餐|

6月12日野餐Plan 首推添馬公園|新蚊野餐|

香港人最愁就係土地問題,但係位處市區黃金地段嘅添馬公園就有一大片草地,坐得攤得連做瑜珈都得,唔搵埋朋友一齊嚟野餐吹水真係嘥晒,日落夜景一流,可以由朝玩到晚。添馬公園24小時免費開放予公眾,唔好嘥咗呢個咁珍貴嘅空間,趁呢幾日天氣咁好,搵埋一大班朋友去添馬公園啦!

撰文:[email protected]新假期|圖:新傳媒資料室、Instagram丨編輯:自己人不打自己人

添馬公園大草地任踩唔嬲 野餐之選

政府總部附近嘅添馬公園一直係熱門嘅野餐好去處。位於金鐘嘅添馬公園佔地17,000平方米,交通便捷,金鐘港鐵站一出,過條天橋就到,喺咁擠迫繁忙嘅金鐘竟然有咁大片草地,仲有無敵海景,簡直就係城市中的綠洲。平時公園嘅草地出晒名只作觀賞用途,但添馬公園喺正政府總部隔籬,仲有行政長官辦公室同立法會綜合大樓,草地都可以任踩唔嬲,大家要好好利用呢片草地先得,除咗野餐,大家仲諗唔諗到可以做啲咩呢?

 

野餐
添馬公園景觀開揚,環境舒適,可以坐足一日。
大片草地分為多個小區域,就算人多都唔會好擠迫。
如果嫌野餐太靜態,喺草地做吓伸展運動都唔錯。(圖:[email protected]

YOU MAY ALSO LIKE ...