潮星髮型Ver 2.0 實有款你跟過

潮星髮型Ver 2.0 實有款你跟過

上次同大家概括咗70s至今嘅髮型類別反應唔錯,睇嚟大家都好着緊個頭,或者同人嘅接受能力有關,愈近代髮型種類就愈多,單單呢十年八年就已經有唔同風格嘅潮頭出現,假設你或者你friends唔係獨孤一味skinhead,再睇番呢十年嚟嘅相,我敢講你(哋)最少改變過不下於3次髮型,以下落嚟再為大家介紹更多近期潮星所帶嚟嘅hit爆潮流髮型,你實有跟過!

Text – Jer

1. Skinhead

對於我嚟講,skinhead就好似苦瓜咁,細細個阿媽迫我隡我真係好唔鍾意,但大個咗我明白skinhead嗰種簡單不羈加方便隨意先係真正男人嘅浪漫,可惜我個頭型真係carry唔到。

奇洛李維斯1994年主演嘅《Speed》絕對係引發skinhead源頭!
奇洛李維斯1994年主演嘅《Speed》絕對係引發skinhead源頭!
Ewan Mcgregor喺電影《Transporting》入面嘅反叛skinhead型象我最有印象。
Ewan Mcgregor喺電影《Transporting》入面嘅反叛skinhead型象我最有印象。
潮流指標林海峰都隡過。
潮流指標林海峰都隡過。
Beckham家陣梳All Back留晒鬚都冇果陣skinhead時咁有殺氣。
Beckham家陣梳All Back留晒鬚都冇果陣skinhead時咁有殺氣。
Skinhead唔一定係man,你睇Juno一樣隡得又潮又有個性。
Skinhead唔一定係man,你睇Juno一樣隡得又潮又有個性。

 

2. 壞孩子的天空

其實我真唔識稱呼呢種髮型,尤記得陳冠希初出道時最hit,呢個壞孩子形像令到當時街上個個男生都將個頭摷到好亂(但其實用咗超過30分鐘去摷),都可以稱為一代潮頭。

睇落好似啱啱訓醒而又亂中帶序嘅雀巢頭,其實最少要搞15分鐘,「唔通學過如來神掌又話你知咩。」。
睇落好似啱啱訓醒而又亂中帶序嘅雀巢頭,其實最少要搞15分鐘,「唔通學過如來神掌又話你知咩。」。
333
冠希頭咪又係跟碧咸。

 

3.前蔭頭

除咗韓仔之外,能夠忍受2、3cm厚頭髮嘅重有N年前嘅Justin Bieber,而其實我覺得佢喺呢個界別最有代表性,好希望佢而家可以梳番(唔會拮住對眼嗎?)。

Justin Bieber
Justin Bieber
都敏俊
都敏俊
李輝京 韓仔最愛一坺嘢,《來自星星的你》都敏俊同李輝京就分別演繹出兩種唔同風格嘅「坺」。
李輝京
韓仔最愛前蔭,《來自星星的你》都敏俊同李輝京就分別演繹出兩種唔同風格。

 

4. All Back

潮流嘅嘢真係好奇怪,我好記得10年前《衝上雲霄》阿Sam哥梳果陣個個都話核突,但近幾年一落到街幾乎個個男仔都整個all back頭。講真!我有時唔想諗model整咩頭都會叫make up幫佢梳all back,好似黑色一樣百搭又唔會出事。

世上最有型嘅男人(冇之一),Beckham係完美演繹all back頭嘅表表者,好多人都係跟佢,甚至錯覺自己梳完變咗Beckham。
世上最有型嘅男人(冇之一),Beckham係完美演繹all back頭嘅表表者,好多人都係跟佢,甚至錯覺自己梳完變咗Beckham。

5. 中間分界

以前中間分界即係心理變態,但冇人會覺得G-Dragon係心理變態,所以佢一整個中間分界,潮人即跟。

重要染到5顏6色。
重要染到五顏六色。
G-Dragon以外,其實Johnny Depp梳中間分界都好有型。
G-Dragon以外,其實Johnny Depp梳中間分界都好有型。

 

6. 滄桑型

正如我為佢起嘅名一樣,留得呢種髮型幾本上係充滿歷練、看破紅塵或根本唔在意別人嘅眼光,呢種髮型唔係話留就留,本身有故仔有經歷嘅人自然會有,唔好勉強。

究竟Kurt Cobain係滄桑定頹廢?我分唔到,只知道佢唔打理都好有型。
究竟Kurt Cobain係滄桑定頹廢?我分唔到,只知道佢唔打理都好有型。
星爺喎!重要解釋?我唔同蠢人做朋友。
星爺喎!重要解釋?我唔同蠢人做朋友。
你跟藤原浩買衫就叻,又是否跟到佢髮型?
你跟藤原浩買衫就叻,又是否跟到佢髮型?

 

7. Man Bun

可能明星實在太忙冇咩時間打理頭髮(連隡skinhead都冇時間),近年愈嚟愈多人流長頭髮扎辮,英文叫Man Bun,其實即係武士頭,流埋鬚真心man。

Man Bun喺潮界又稱中村頭,你懂的。
Man Bun喺潮界又稱中村頭,你懂的。
連男人都俾佢吸引住嘅男神Brad Pitt。
連男人都俾佢吸引住嘅男神Brad Pitt。
精靈Orlando Bloom。
精靈Orlando Bloom。

 

伸延內容:

70年代至今 本地男生髮型進化史

YOU MAY ALSO LIKE ...