【機動部隊2019】楊明孖蔡思貝拍劇唔過電 網民：對莊思明一條心喎！
廣告
個個花旦都斯文長髮標準娘娘咁款，唔通個個都淨係獨孤一味鍾意呢款靚女咩？八姨太就鍾意睇啲英氣十足有型有款嘅，好似達哥蔡思貝呢款，成個電視台得佢一個花旦carry到短髮，其實咪仲鮮明更高可塑性！
撰文：東方新地 圖片：新傳媒圖片
【機動部隊2019】蔡思貝 楊明 唔過電
蔡思貝係電視台監製嘅心頭好，尤其係警匪片一套接一套，繼《鐵馬戰車》、《鐵探》同《機場特警》後，新劇《機動部隊2019》又預佢一份，又係著制服又扮女警囉！天生外型硬朗有英氣又有性格，制服著得好睇嘅其實著多幾次又唔怕！日前《機動部隊2019》拉大隊去尖沙咀拍外景，除咗蔡思貝，張達倫、楊明個個都制服上身擺起PTU招牌巡邏look，陣勢同威嚴一啲都冇輸畀嗰套經典電影版㗎！等埋位期間，蔡思貝同拍檔楊明細聲講大聲笑好好傾咁，睇落好啱key，好彩楊明對女友莊思明一條心，所以對發電廠達哥免疫。一班後生仔女邊開工邊吹水，實行寓工作於娛樂。
日前《機動部隊2019》拉大隊去尖沙咀拍外景，除咗蔡思貝，張達倫、楊明個個都制服上身擺起PTU招牌巡邏look，陣勢同威嚴一啲都冇輸畀嗰套經典電影版㗎！等埋位期間，蔡思貝同拍檔楊明細聲講大聲笑好好傾咁，睇落好啱key，好彩楊明對女友莊思明一條心，所以對發電廠達哥免疫。一班後生仔女邊開工邊吹水，實行寓工作於娛樂。
