周杰倫陪老婆秘遊香港 原來最愛幫襯地道茶餐廳

周杰倫陪老婆秘遊香港 原來最愛幫襯地道茶餐廳

雖然「安心偷食」事件震驚全個華人世界,28年感情嘅couple竟抵不過進擊的BB,不過問心嗰句,娛樂圈始終都有唔少恩愛夫婦,仲有好幾個擔屎唔偷食嘅最佳人夫!眼前就有個例子,之唔係錫昆凌錫到燶嘅周杰倫囉!

撰文:東方新地 圖片 :新傳媒圖片

周杰倫 陪老婆秘遊香港

話說婚後生埋一對仔女,昆凌唔做周家少奶奶,繼續幕前工作仲進軍埋荷里活成日做空中飛人。以前昆凌陪周董周圍飛,依家就到周董陪老婆飛。日前昆凌出po又話要飛,原來係嚟香港玩,老公周董仲偷偷陪飛,一落機你估兩公婆去咗邊?唔係開工亦唔係大魚大肉,原來去咗灣仔幫襯華嫂冰室,認真識食!

周杰倫、昆凌婚後經常互相做跟得老公、跟得夫人,早前二人應邀到巴黎出席品牌活動,名正言順拍住拖開工。

 

平時靜蠅蠅,灣仔內街呢日突然一陣哄動,亞洲天王周杰倫失驚無神出現幫襯港式茶記。識食嘅周董醫完肚即時上車,緊隨其後仲有老婆昆凌,唔講唔知原來兩公婆都係茶餐廳地道美食擁躉。

YOU MAY ALSO LIKE ...