麥明詩形容後備對象做垃圾同屎 27歲之約慘變離婚人選

撰文：辛娛樂｜圖片：電視截圖、ig

麥明詩形容後備對象做垃圾同屎

話說今年年初，麥明詩為拍攝TVB節目《單車遊學團》而與香港前奧運單車選手胡健燊出雙入對，當時二人日日見面之餘，仲一件練車背心兩份穿，相當親密！當時Louisa亦都不忙大讚對方為人，又公開表示唔排除踩出愛火花！

日前《後生仔傾吓偈》搵嚟有份拍攝TVB新節目《單車遊學團》嘅潘梓鋒(Bryan)、王德志(Danny)和龔朗賢(Lawrence)分享早前跨國「單車旅行」嘅經歷，不過就偏偏無胡健燊份。

節目一開波，正當嘉賓王德志(Danny)自我介紹完後，馮盈盈就突然叫停大家，向住Louisa爆出一句：「你曾經講過有個好friend嘅同學，話如果你到幾歲都無人要就會啃咗你，係未就係佢？」

結果引嚟全場哄動，而Louisa同Danny亦非常尷尬，當冷靜落嚟之後Danny就率先解話：「係有個咁嘅人，如果佢27歲……」，可能Louisa驚對方講錯說話，故亦隨即打斷Danny：「其實我係搵咗幾個，最唔想嗰個排40歲、想啲啲嘅排38歲……」

至於Danny排喺幾多歲，Louisa說話：「佢係排到我離婚之後架啦～」由約定慘淪為再婚人選嘅Danny都只好講句：「不過唔知佢離婚時間，同我時間係未一樣。」，聽落好似有啲酸味～

就連盈盈都忍唔住指時下年輕人嘅感情觀好複雜，點知呢個時候Louisa突然話：「既然去到嗰個歲數都都搵唔到，你寧願要垃圾定要屎？」認真陰公囉，在坐嘅Danny仲要變埋垃圾或者屎，唔知當時Danny有咩感覺呢？

最後，Danny以一句：「好似周星馳咁講，一條底褲同廁紙都有佢嘅作用」完咗呢個topic，認真陰公豬囉！