安志杰豪買名牌頸鍊氹老婆 老婆遙控行超市無怨言

安志杰豪買名牌頸鍊氹老婆 老婆遙控行超市無怨言

幾時都話,嫁到個好老公真係等同中六合彩,同型男安志杰結婚年半的名模Jessica C.(JC),婚後時刻有老公愛錫,又生咗一 對寶貝仔女,真係幸福滿瀉。最緊要係婚後將屋企話事權交晒畀老婆的安志杰,當老婆女皇一樣服侍,安志杰唔覺被管仲甜入心,堪稱老公極品!

撰文:申娛樂|圖片:新傳媒、ig

安志杰豪買名牌頸鍊氹老婆

31歲、33C警鐘胸的 JC,就曾公開大讚老公是她生命中最重要的人:「 入行最大收穫,就係可以識到咁好嘅老公,諗番之前隻身嚟香港發展,都試過好徬徨,最幸運就係可以嫁到咁錫自己嘅老公,係錢都買唔到。」事事將老婆及家庭放第一位的安志杰,又的確抵讚,平日同老婆出街一定負責攞嘢埋單照顧周到,返到屋企又會幫手湊仔,係最佳神隊友。

有老公錫到燶,生咗兩個的Jessica C.,近年開始減產,將重心放在兒女上,賺錢重責交畀老公。

日前,安志杰雖然單拖出動去超市入貨,卻全程由安在家中的老婆遙控話事,好明顯係唔想老婆頻撲操勞,寧願自己出動搞掂。當日下午二時許,安志杰在中環ifc超市上糧,只見他在放滿BB食品的冰櫃左揀右揀,之後更用手機同家中老婆JC視像,揀營養飲品、有機食物都細心研究包裝,然後再問老婆意見先買。

YOU MAY ALSO LIKE ...