【倚天屠龍記】陳鈺琪清純學生照流出 網民:真係由細靚到大!

【倚天屠龍記】陳鈺琪清純學生照流出 網民:真係由細靚到大!

《倚天屠龍記》在無綫熱播中,自從套劇出街後唔少網民都大讚新版《倚天》製作算高質唔胡鬧,而女主角之一、飾演趙敏嘅陳鈺琪多得套劇帶挈,在香港知名度及人氣同時急升,多咗人識,大家都想知佢嘅過去,近日網上流傳多張陳鈺琪求學時期嘅照片,相中嘅佢薄施脂粉,但五官標致樣子清秀有氣質,唔少睇過相片嘅網民及巴打都大讚佢絕對是純天然美女,由細靚到大咁話!唔信?依家就一齊睇睇「趙敏」嘅學生照啦!

 

撰文:W|圖片:微博影片截圖、網上圖片

 

陳鈺琪 男女扮相皆宜

無綫熱播內地新版《倚天屠龍記》,當中趙敏一角由現年26歲的陳鈺琪擔演,她為唐嫣旗下藝人,2016年先開始拍劇,早年憑電視劇《錦繡未央》中飾演九公主「拓跋迪」而備受注目。今次佢喺《倚天屠龍記》入面擔正做趙敏一角,大家感覺如何呢?

不少觀眾讚陳鈺琪在劇中的男及女古裝造型都咁出眾,認為她即使是男裝打扮都依然能帶出幾分男生的硬朗。

 

被傳變樣?其實由細靚到大⋯

有網民翻出劇中各位靚女的陳年舊照,而陳鈺琪亦被指是人工美女,但睇番佢大學時期嘅舊照,百分百天生麗質,其實同依家分別不大。然而陳鈺琪來自四川大學錦城學院藝術表演系,本身擁有教師資格證書及會計證書,但她醉心演藝,所以畢業後即到橫店尋找演出機會。

她於19歲學生時代的微電影作品《Hold住我們的愛情》曝光,見片中的她與現在分別不大,才令變樣謠言不攻自破!

網民搵出劇中女角的陳年舊照

《Hold住我們的愛情》

 

陳鈺琪在大學時曾拍攝的微電影畫面,雖然她染了一頭金髮,但她五官標致即使淡素娥眉也難掩氣質。

星途不平坦

未紅嘅陳鈺琪演群戲、跑龍套每天工作16小時,工資卻只得35元人民幣,扣除車資37元,變相不時也倒貼演戲,但為了增加演出機會及磨練演技!

《東坡家事》做大茄 零對白

回帶去返2014年無綫劇《東坡家事》在橫店取景,而陳鈺琪喺橫店搵食期間就為此劇做大茄,場戲講述李霖恩飾演王安石長子,本來同蝦頭有婚約但最後被悔婚,全城姑娘包括黃心穎、萬綺雯、陳鈺琪都爭住想成為佢未來妻子。

雖然陳鈺琪冇對白,只得數秒鐘出場過鏡,但以一位臨時演員來說,美貌相當標青突出,相反同場黃心穎氣筫、樣貌都輸蝕,不過同樣係香港代表嘅萬綺雯就好靚冇被比下去。

當年有報道指人夫王浩信受唔住誘惑,佢喺橫店拍《東坡家事》時,被有「無綫姣精」外號嘅黃心穎電到暈陀陀,拍劇時玩得好埋,收工又黐住去食飯,日對夜對,連老婆陳自瑤(YoYo)姓乜都唔記得!

幸好她的努力終於有回報!2015年陳鈺琪因拍攝《大話西遊3》而認識片中女主角唐嫣,更成為對方成立工作室後首批羅致的旗下藝人。翌年,憑劇集《錦繡未央》飾演九公主拓跋迪而嶄露頭角,18年更於劇集《香蜜沉沉燼如霜》中首次擔任第二女主角,至新版《倚天》終於有機會擔正!

樣子清秀可愛嘅陳鈺琪,唔少觀眾對佢做女主角就好有信心,唔知要演活一位活潑又帶點霸氣嘅郡主,對演員資歷尚淺嘅佢會唔會有難度呢?

 

 

YOU MAY ALSO LIKE ...