Dr. Martens 次文化大融合

Dr. Martens 次文化大融合

次文化(subculture)嘅學術定義係,一班活喺大眾文化下嘅小眾,抱有同主流有別嘅信念同興趣,慢慢形成一股文化,呢股文化更加係有傳承性嘅。Dr. Martens一向自居英國次文化品牌,的而且確佢哋嘅鞋係60年代Skinhead嘅制服一部分,後嚟Dr. Martens嘅時裝line亦係走個性同反叛風格。近年DM呢股次文化,嘗試融合其他文化同設計,例如今季加入咗日本傳統刺青嘅圖案喺本格型號1460同1461,兩者嘅核心價值都係唔理世俗眼光,走偏鋒。可惜,好多人同小弟一樣,只鍾意最元祖嘅黃線黑色boots,加入其他元素,未必討好,忠於原著同反叛永遠都係矛盾。

text-AIR photo-Billy

Shirt $800 MULTI PSYCH TATTOO 1460 boots $1,399
Shirt $800
MULTI PSYCH TATTOO 1460 boots $1,399

t2

極道圖騰

日本嘅刺青文化源遠流長,體現咗佢哋嘅浮世文化,圖案主要係各種宗教神同埋神獸,重有各種有象徵意義嘅植物。到近代日本刺青同極道(即係黑社會)扯上關係,幫派成員會以紋身識別同以示身份,通常會紋全身,只係心口位置留低一條直線,原因係要俾皮膚呼吸,為心肺功能着想。

2015 S/S Dr. Martens

今次未見到Made in England嘅系列,反正呢條線嘅鞋太過搶手,價位偏高,都係普通版經濟一啲。除咗前文提到嘅日本刺青,仲有其他時裝元素嘅新系列,睇到DM唔只食老本,佢哋嘅design team呢幾年都好積極咁創作新款式。

YOU MAY ALSO LIKE ...