韓謎日誌-捕獲野生型男model café
而且咖啡店裏面有好多女仔鍾意食嘅甜品,例如雪糕窩夫、吐司等,而且賣相精緻又美味。唔知係咪咁嘅原因,喺coffee shop裏面,接近8成嘅顧客都係女性,而且當地朋友同我講,普遍韓國男生好少主動約同性朋友喺café度傾偈,因為佢哋比較實際,覺得1杯咖啡要成4、5,000 won(大概港幣30幾蚊),但係1支soju(韓國燒酒)只係2,000 won(約港幣十幾蚊),所以佢哋寧願去居酒屋(술집) 度打牙骹。反而坐喺café嘅時候多數係陪女仔,好少幾個男仔約埋喺coffee shop聚集,我諗可能因為佢哋國家基於鍾意飲酒嘅文化關係啦!
而我最鐘意去三清洞、新沙或者弘大小巷入面嘅cafés,坐喺度溫下書、做下功課,貪佢哋冇乜人吖嘛!最重要係你可以喺度坐成日都唔會有人趕你走,唔似得香港嘅coffee shop又嘈又多人。
另外,韓國嘅coffee shop可以帶俾你哋無限驚喜同無限可能嘅!事關有日我喺新沙洞林蔭大道行行下街,被兩個氣質型男吸引住,佢兩個好似幅畫咁坐咗喺間鋪門口,唔知以為roll緊機拍緊韓劇~哈哈!當然,為咗一眾姊妹們嘅幸福,我當然要入去同佢哋溝通下啦!原來,呢間coffee shop係佢哋model公司老闆開嘅,所以當佢哋唔使出job嘅時候,可以喺度part-time幫手賺番啲生活費。我覺得佢哋老闆好聰明,除咗可以善用員工之外,重可以將佢哋擺喺鋪做生招牌!韓國人真係食腦嘅!
Pink (핑크)
韓妝達人,本來過着刻板OL生活,自小愛扮靚,更鍾意韓國潮流文化,幾年前隻身遠赴韓國學藝,在江南著名化妝學府Atelier Makeup Academy實習,曾參與過無數韓國fashion shows的化妝實戰,亦試過為韓國小姐化妝。回流香港後,創辦Pink Evolution化妝學校,教授地道韓式化妝,又代理韓國化妝及護膚品牌。Pink長期港、韓兩邊飛,極為熟悉韓國地道及最新的潮流文化,連本土韓國朋 友亦為之驚歎!
詳情可瀏覽本人facebook 專頁PinkEvolution
《Instagram》 : PINKEVOLUTION