【有誰共鳴】為上位出賣靈魂 5套打工仔必睇電影！

有人話職場如戰場，職場上嘅爾虞我詐、勾心鬥角同卸膊同事/上司，就同戰場一樣危機四伏～不過只要學到幾招嘅職場求生術，想上位、職場求生其實唔難！身為打工仔嘅你必睇以下呢5套電影，學下主角點絕處求生、化危為機。電影道盡職場辛酸史同潛規則，包你超有共鳴，邊睇邊大叫「我明，我真係明！」～

【職場女王攻略】：非常時期用非常手段

相信好多人都發現，職場上唔少主管級人員嘅能力未必係最好。佢可以上位有好大可能只係因為佢有張靚「沙紙」。唔通有實力，冇學歷就一世都上唔到位？返工經常都會遇到呢啲非常時期，因為上司偏見、冇學歷、被同事放毒針，搞到職場失意。面對呢啲問題，適時要採用非常手段，扭轉局勢，為自己製造上位機會！

《職場女王攻略》(Second Act)嘅女主角－美雅(Jennifer Lopez飾)喺超級市場打工嘅美雅在職場上表現完美，但就係因為學歷問題而做唔到管理層。但一次偶然，佢嘅好朋友偷偷地幫佢「改造」咗份完美嘅CV，令佢獲得夢寐以求嘅工作，證明自己嘅實力絕對大於一紙學歷！喺上位無望嘅非常時期，女主角唯有用非常手段去力證自己嘅能力兼上位～唔想再做職場輸家，點都要學識用非常手段，先可以面對各種明槍暗箭！

【辦公室上位攻略】：愛上司多過愛你嘅另一半

返咗幾年工，好多人都發現跟個夾到嘅上司係一件好重要嘅事！身為打工仔，我哋好多時都無揀上司嘅權利，但我哋有權選擇點去湊上司。要湊得掂上司，第一點就係要「愛上司多過愛你嘅另一半」！當你上司係情人咁照顧，適時噓寒問暖、貼心提醒，氹得上司開心，自然上位無難度！

《辦公室上位攻略》(Sorry To Bother You)嘅男主角－卡修斯(LaKeith Stanfield飾)就係入咗間包食包住嘅大公司做電話推銷員，身為黑人嘅佢因為識得變聲用「白人腔」call客而極速上位！卡修斯為咗事業，一步一步接近CEO，投放愈來愈多喺工作之中，最後仲因為老闆/工作同女友嘅感情亮紅燈。為咗事業你可唔可以做咁多犧牲？即刻睇下卡修斯點樣成功上位啦！

【翻生求職黨】：中年危機變轉機！

中年失業必定日後翻身無望？事實係中年危機係可以變成轉機！中年失業只要肯重新學習，都可以同一班後生仔爭筍工～好多人因為到咗中年，所以唔敢辭職/轉行。其實到咗中年有人脈、經驗同視野，想轉行或者搞生意都絕對唔會輸畀後生仔，甚至可能令你事業更上一層樓。中年危機其實係轉機就真！

《翻生求職黨》 (The Internship)入面，奧雲韋遜同雲斯漢被炒魷之後，變成失業中坑，想入前途無限的大公司Google，於是投考「實習生」同班廿歲大專生鬥過！兩位雖然原本咩都唔識，但佢哋努力學習，加上豐富嘅人生經歷同職場經驗，爭贏筍工話咁易～

【見習冇限耆】：上司迷失正是上位時機

身為打工仔，好多時做咩其實都只係聽上司支笛。咁如果上司心情唔好，感到迷失時又會點？呢個時候其實先係上位好時機！上司做唔到決定嘅時候，作為好下屬給予建議，畀多啲關心，除咗可以幫你表現自己，仲可以助你成為上司心腹，立即上位得咗～

見習冇限耆(The Intern)入面70歲長者班(Robert De Niro飾)，選擇唔過退休生活，反而積極取機會重投工作，成為由茱莉 (Anne Hathaway飾)創辦的潮流網站的高齡實習生。班原本做印刷電話薄工作，雖然工作環境同性質都180度轉變，但佢憑人生閱歷，喺老闆茱莉受公、私事困擾時，在她身邊提供建議同安慰佢，兩人關係極速拉近，班即刻躍升為公司入面不可或缺嘅成員～所以話，心態先決定境界！

【穿Prada的惡魔】：比變態上司更變態

平時聽到啲人講自己嘅變態上司點勞役佢哋，24小時on call、衣著打扮都要管埋、咩事都鬧咗先，真係聽到都怕怕。但如果唔好彩遇到變態上司，你可以點上位？答案係要「比變態上司更變態」！對自己嘅工作、行為舉止嘅要求，要比佢更嚴格！改變自己，爭取表現，連變態上司都滿意，上位自然係你囊中物～

穿Prada的惡魔(The Devil Wears Prada)入面嘅沙安蒂（Anne Hathaway 飾），初出茅廬就去到潮流聖經《RUNWAY》雜誌擔任總編輯裴美蘭（Meryl Streep 飾）嘅助手。要為裴美蘭工作先要忘記個人自尊，沙安蒂就為咗成為完美助手，成為名牌潮女，又努力惡補時裝知識，為咗上位，沙安蒂變得比老闆更變態！

有邊個會想做死一世下屬，把握機會爭贏其他人上位先係王道～如果學曬以上5招，要上位真係完全無難度！快啲煲晒5套電影學嘢啦～

即上Now E睇晒呢5套電影！

正在拼搏上位嘅你，一定要睇晒以上呢5套電影～從中學識職場求生術，無論上位定職場求生都無問題！即上Now E即租即睇專區( http://bit.ly/nowe-newmonday)，即可睇晒5套電影同欣賞近千套嘅優質荷里活及亞洲娛樂電影及劇集，仲可以用Visa或Master信用卡付款，即刻租即刻睇，夠晒靈活！

*以上圖片由Video Express提供。