5對紅鞋推介 許志安私底下都超愛「著紅鞋」!|新蚊潮流|

波鞋

廣告

安心偷食事件」已經有兩個人開Live解釋成件事,但係親愛嘅黃心穎係仲未出嚟㗎。但小編決定唔講住,先講講有鋪「紅鞋癮」嘅許志安,原來佢私底下都超鍾意著紅鞋,所以小編決定推介幾推潮爆紅鞋俾佢,等佢可以同穎穎一齊潮爆出軌!

撰文:白仔丨圖片:Instagram、Nike、adidas、Converse

為許志安推介的5對潮爆紅鞋

許志安同蘇永康一樣,都有鋪「紅鞋癮」,後者就局限於真係著上腳。許志安就身體力行,做埋出嚟,果然係紅鞋Lover!

1.Air Yeezy Red October

Yeezy與Nike合作期間推出的絕版鞋款Air Yeezy絕對係潮到爆炸,依家想買都買唔返!但以許志安咁有錢,買到呢對紅得徹底嘅Air Yeezy絕對唔係問題啦!

2.Emotionally Unavailable Nike Air Force 1 High

今年推出的Emotionally Unavailable Nike AF1 High都係紅鞋其中一對,許志安著上後一定會潮到核爆!就連潮流Master陳冠希同樣有上腳,許志安學吓啦喂!

3.adidas Campus Red(許志安同款)

連許志安都著去影雪嘅adidas Campus鞋,當然榜上有名啦!呢對易襯到爆嘅鞋相信安仔都著過唔少次!好希望安仔著爛咗之後可以買返對一樣返嚟!

4.Converse x Undercover Chuck 70 Ox

印住「Order」同「Disorder」係鞋頭嘅Converse x Undercover Chuck 70,可能許志安著住去偷食時會知道到底自己應該Order定係Disorder。但睇返條片,應該都似係Disorder多啦!

5.Vans Old Skool Red Checkerboard

以安仔咁愛紅鞋嘅性格,呢對Vans Old Skool佢又點可以錯過呢!仲要加埋時下大流行嘅格仔元素,絕對係潮上加潮。真係同黃心穎可以一齊偷食都要著潮鞋呀!

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!