夏日新色登場!超厚底 Air Max 720 男女搶眼配色率先上架!

夏日新色登場!超厚底 Air Max 720 男女搶眼配色率先上架!

三月尾剛來臨嘅Air Max Day又點會咁快完結呢?Nike自然一浪接一浪,推出全新配色嘅 Air Max 720 。過去嘅幾對Nike Air Max 720 都係以沉實配色為主,今次終於有驚喜啦,而且仲要係鮮豔奪目嘅配色!一對新推出嘅鞋款再加上夏日配色,試問鞋迷又點可以錯過呢對 Air Max 720? 了解更多:Nike.com

撰文:Pang |圖片來源:SneakerNews, Pinterest

外型配搭至潮配色 Air Max 720 未來感十足

呢對Air Max 720 大有來頭,擁有Nike到目前為止最新嘅Air氣墊,帶來超乎想像嘅舒適感。Nike Air Max 720唔單止為用家帶來舒適,更加能夠有增高嘅效果!因為Air Max 720擁有最高嘅Air氣墊,氣墊高度為3.8cm!相比第二高Air氣墊嘅Air Max 270高0.6cm!絕對係矮人嘅福音!而今次Nike將潮味十足嘅黃色融入呢款新鞋入面,令Air Max 720充滿未來感。相信呢一款實用而外貌兼備嘅鞋款一定能夠令Air Max再次成為熱門之一。

 

據說是次Nike會喺4月11日9:00 a.m.於Nike Store發佈呢對Air Max 720,售價為$1,399。呢個價錢買一對顯著增高同舒適度高嘅波鞋,絕對係超值之選。各位請記得於當日早上做好準備,以免極速售罄。

同場加映:女生專屬!粉色系女生必備!

另外,是次發佈當日亦有專為女生而設嘅配色,整對鞋配搭以不同嘅深淺程度嘅粉紅色組成,粉紅色嘅透明中底更係成對鞋嘅亮點之一,鞋身則採用白色嘅網面設計,似運動款得嚟亦不失時尚感。相信粉色控嘅女生絕對會入手,售價為$1,399。

YOU MAY ALSO LIKE ...