暴龍哥到港大開Talk談「幽默」:起碼我今日冇見到人玩電話先喇|新蚊娛樂|

流行娛樂

廣告

近日好像特別多明星去大學講talk,除了陳奕迅去了Open U,今日暴龍哥鄭中基亦到香港大學談「幽默」,並即席回應台上學生們的提問。在座談會中,Ronald不但接受挑戰,試食港大canteen三大名物,更自稱自己是一個「穩重的Bad Boy」,分享自己的人生觀及家庭關係,用自身經歷去勉勵各位學生「唔好怕蝕底!其實最後賺嘅係自己!」

撰文:Kelchan|攝影:Issac|其他圖片:鄭中基Facebook、新傳媒資料室、Instagram

暴龍哥談幽默:人人都有,最重要是Timing

今日鄭中基應CapTV及港大Cedars通識邀請,以「鄭中基」為主題到香港大學出席了座談會,分享自己對幽默的看法和人生觀。

「幽默」,很多人都認為是一種天賦,Ronald亦同意這是與生俱來,但其實每個人身上也有這種特質,只看你有沒有留意自己身邊的事情。他覺得每個人也有搞笑的一面,而在他的朋友圈之中,目無表情的劉青雲是最好笑,「佢係黑面得嚟好笑,唔係古天樂個種黑面咁硬」。

 

有台上學生問到有幽默感是否就可以受歡迎,Ronald就講笑話:「起碼我今日冇見到有人玩電話先喇」。至於是否會容易媾到囡囡?Ronald表示首先你要夠靚仔,其次就是要懂Timing。幽默感可以令你與其他人更易相處,但如果不懂時機不懂見好就收,就只會令人覺得你口花花懶搞笑,給人一種不認真的感覺。

Ronald不同意幽默就是等於嘲諷。他認為幽默是一種氣氛的調劑,可以令身邊的人開心,與有攻擊性的「嘴賤」是截然不同:「我曾經都覺得咁(笑人)係好好笑,但之後就會不停諗對方會唔會好難受?會唔會因為咁而唔開心?我都試過人生攻擊(你懂的),之後都好後悔。」

「我只係一個穩重嘅Bad Boy」

年齡增長令Ronald知道要引人發笑,並非只有屎尿屁;同時也令他不再是一個普通的Bad Boy:「人哋話三歲定八十,人係唔會變,但經歷會令人變得有責任心,識得分輕重,成為一個穩重嘅Bad Boy。」

小朋友的出生成為Ronald最大的快樂來源,同是也是令Ronald有了最大蛻變的誘因。Ronald表示他很喜歡爸爸這個角色,而小朋友對他而言就是一個「朋友」。孩子一出生,唯一的知己就是父母,所以一下班就回家陪friends,對Ronald來說是理所當然的事情。「我變嘅唔係個性,係習慣。」「我成日都會望住小朋友,心諗:靚仔呀!好彩佢唔似我!」

「穩重」兩個字,要做到說易不易,說難不難,只在乎你是否懂得事情先後。鄭中基父親年輕時是一個結他手,熱愛夾Band,但他明白到在當時社會,這難以養家活兒,所以就暫時放棄,努力發展其他事業。

直到現年七十多歲,鄭父仍經常在家中練習結他。有見及此,鄭中基便計劃了在演唱會上演「三代同堂」表演,讓父親和女兒一起在台上表演,而父親也終於一償個人心願。

很多事不是不來,只是時候未到。Ronald認為爸爸的選擇不是一種犧牲,而是將人生大小事分輕重處理。他說了一句說話,令筆者記憶尤深:「人生唔好怕蝕底。人哋冇做而你有做,係你自己賺咗。」

以幽默感哄自己

鄭中基在未做喜劇之前也經歷過人生低谷。但他認為人在低處,可以做到的事情其實可以很多,而且今日唔知聽日事,何不過得輕鬆一點?每個人也有失落的時候,而幽默就可以令人暫時忘記煩惱。你可能會問:這不是逃避問題嗎?暴龍哥會答你:「想笑咪笑囉!」

幽默可以用在他人身上,也可以用來哄自己開心;很多事只要轉個角度去想,未必如你想像中難以接受。正如有人覺得幽默等於低俗,Ronald認為既然沒有辦法去改變他人的想法,就不如調轉頭去想「放過呢啲道德L喇!」而面對人生的苦,也不妨幽自己一默吧。

試食港大Canteen三大名物

除了分享個人經歷,Ronald也有與主持人一起上演港大版《美女廚房》,試食由港大學生選出的三大名物:

1.出名無味嘅越南粉麵

暴龍哥評分:6/10

暴龍專業點評:有啲酸,但煮得好,好係好在可以個味同材料分開,呢個真係好難做到。

2.牛腩當武器嘅牛腩麵

暴龍哥評分:8/10

暴龍專業點評:埋相好得呀!不過你sure係牛腩而唔係牛鞭?(再食)咦?雞髀咁嘅味喎!好嘢!

 

3.應該係最好食嘅燒味飯

暴龍哥評分:5/10

暴龍專業點評:我就係燒味飯專家嚟,喺片場日日食。齋睇樣,呢碟我唔會掂。(試食後)啲飯得,啲叉燒就……以後各位同學可以淨係去買飯。

彩蛋:《龍咁威3》確定憫情回歸

鄭中基會在今年開拍《龍咁威3》的消息在去年年底已流出,之前表示希望原班人馬可以出演,但Stephy檔期遲遲未定。終於今日暴龍哥確定憫情會回歸,並笑說會拆散她跟非洲王子。暴龍哥還說剛剛度了一場放蛇戲,到底是怎樣「放蛇」,令人非常好奇他會為我們帶來什麼驚喜!