請假影結婚相八婆老細唔批 網民齊呻香港請假難

請假為影結婚相 八婆老細黑面回應

該名網民在連登討論區上發文問自己為影結婚相而請無薪假是否太過份，因為她早前曾向老細請假時說出是因為結婚相而被對方黑面回應，並要該網民提出證據。而被其他網民問到「點解唔老實同佢講係影結婚相」時，她就回應「我就係老實同佢講去影結婚相，佢好唔高興。老細係女人」，其後問到老細是否未婚時則以表情符號代答「是」。

其後有網民表示事主這樣等同花式自殺：「X你同女人講依啲原因，真係自己攞黎衰，返咁耐工講野唔用腦」。亦有網民說「人性係幸災樂禍，你話你結婚咁高興, 老細梗係唔老泥，下次話自己失戀/屋企隻狗死咗想請兩日假散心應該無問題」。

網民齊呻香港請假難

而一眾網民可能因為怨氣累積已久，紛紛在文中發表自己的請假血淚史，其中一人就表示「我試過炒車， 出左大件事，入醫院要去到正CONSULTANT 個LEVEL 先敢同我做手術， 下面個D 醫生仔冇一個敢做。我可以放3個月病假，我返去同我老闆講，話我都仲有一隻手，不如我照幫手啦， (其實我要做個D 野好專業，但係只需要用腦，一陽指用KEYBOARD都做到)。結果我老闆第一句問我： 喂，你係唔係有自毀傾向呀？跟住咪被人TRIGGER 左，完全唔留口咁講野，跟手出去拎足病假，從此HEA 做，亂咁做」。

另外亦有網民表示曾經見過同事遇上差不多的情況，「同事屋企人死左，請1日假做法事，條八婆先X個同事一輪，去到尾都算係俾佢請。但係就悔氣咁屌多句：下次唔好啦！！然後大家同佢冇下次」

網民點睇？

至於其他網民回應方面，有人覺得事主這樣情況下亦吞聲忍氣該得她奴性太重「已經可以想像到你平時跪喺到叩頭求老細唔好因為遲番3分鐘扣你假嗰個狗奴才樣」，亦有人善意提醒事主「你以後對上司老闆諗野真係要諗過度過，香港職場X人多過好人」。但同時亦有網民告訴事主「正常員工手冊寫到明，無薪假唔一定會批」。