大昌行宣布廚師腸即將回歸 高位入手嘅巴打小心炒燶
大昌行出手廚師腸不日回歸
事緣大昌行近日就喺廚師腸專頁上宣布，「廚師腸好快就會返嚟啦!」，而且「繼續以原來嘅獨家配方，美國製造，保留大家喜愛嘅味道！」。甚至有網民表今年抽個枝車公廟靈簽好準，因為每一句最後個字加埋竟然係「常得香腸」。
一句「減鹽」意外引發罵戰
不過就係呢一句「原來嘅獨家配方」卻意外地引起一場罵戰！事緣有網民表示近年廚師腸配方加鹽太多，希望能夠「減鹽唔該」，此言一出卻意外地引起支持加鹽嘅「原味派」以及希望無咁咸嘅「減鹽派」兩邊罵戰。
而支持原味派嘅網民就表示「食廚師腸唔係食佢隻味唔通貪佢夠健康咩」、「嫌太咸唔好食就得 其實無乜好討論嘅價值」、「食包咁嘅腸，又要扮曬食家咁真係好X討厭」。
但支持「減鹽」嘅網民就表示「試過切開一半放水滾熟都係好咸，所以要減鹽」、「我食咗幾十年，真心話，真係越黎越咸…」、「叫人嫌咸就轉其他牌子嘅人根本就唔係廚師牌嘅fans!!!!!我食咗廿幾年廚師腸，近年係真係轉咗formula咸左好多架！！」
網民教路點食先唔咸
不過呢場罵戰就同事引出一眾識食嘅網民出手教人點食先唔咸，其中有人就話「加埋蜜糖燒中和返啲咸味，味道啱啱好！每個細節都計算晒」、亦有人教用最簡單方法，「屋企食你試下浸水半個鐘先煮就會淡口」，但燒炭食就無計，只可以蜜糖重手啲。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
