Ella 式搞笑

Ella 式搞笑

今年賀歲片都被觀眾大大力、狠狠地插到開花,加上連荷里活大片都寧願提早上映,都唔同4套港產片硬碰,所以由曾志偉主演同監製嘅《吉星高照2015》,為免加入戰團而受傷,決定延到元宵節檔期先上映。

《喜》搵嚟台灣神台級組合S.H.E嘅Ella(陳嘉樺)、王祖藍,同扮周星馳(把聲)勁似嘅溫超主演,電影匯集好多經典橋段,以延續星爺電影中嘅招牌搞笑元素,而本來已經係搞笑能手嘅溫超重話,Ella嗰種搞笑,更係前所未遇!真係咁勁?

text-aMan photo-sun location-九龍貝爾特酒店

open_resize

Ella拍得好興奮

貴為台灣天后級人馬嘅Ella,除咗唱歌叻,拍電影嘅經驗都有唔少,但喺香港拍戲就真係第1次,而且更從未拍過賀歲片,所以訪問都未正式開始,Ella已經話,拍賀歲片呢件事,令佢好興奮。

作為台灣人,細個有睇過香港嘅賀歲片嗎?

「有,有好多,由細睇到大!(最鍾意邊部?)《家有囍事》整個系列同《花田囍事》都鍾意,因為都係喜劇,戲中又有好多大明星。」

第1次拍賀歲片,同平時拍電影有咩唔同?

「不一樣呀!賀歲片就係希望大家都開開心心,劇本、內容都冇咁寫實,愈誇張、愈不可理喻,觀眾先會睇得開心,佢哋覺得太無厘頭先會笑!所以表演方式好唔一樣。」

YOU MAY ALSO LIKE ...