70年代至今 本地男生髮型進化史

造型打扮

廣告

啲人成日話潮流係循環,以前興過嘅嘢將來會再出現,原來呢個定律可以套諸所有嘢,無論係衫、眼鏡、波鞋、甚至髮型都係,呢兩年就係興番晒5、60年代嘅James Dean式飛機頭同撻頭。睇番呢幾十年,香港嘅男仔興過嘅髮型,起碼出現過5至6種,絕對唔會比衫同波鞋嘅turnover rate少,本文回顧一下。

text-AIR

70年代-Mod仔「椰殼頭」

受英國倫敦嘅Mod文化影響,當年好多band都係梳呢個髮型,包括The Who同Queen,後嚟90年代嘅Oasis都係致敬呢個文化。當年香港嘅歌王許冠傑同勁band 溫拿,都係梳呢個頭。

 

Queen嘅主音Freddie Mercury

 

 

80年代-鴨尾頭

張國榮嘅鴨尾頭喺當年冇得輸,到而家有興番嘅現象,不過香港好難再出一個好似哥哥咁靚仔、咁carry到鴨尾頭嘅artist喇。

90年代中-杜拉格斯頭

90後同00後可能到最近睇《爸爸去哪兒》先知道,邊個係當年嘅台灣小旋風林志穎,當年佢幾乎紅過晒香港嘅歌手,佢同郭富城嗰陣都好出名,梳呢個3/7分界嘅《龍球Z》杜拉格斯頭,嗰陣香港所有男仔都照跟!

 

 

 

 

90年代尾、00年代初-金毛、長髮

當年嘅《古惑仔》帶起咗所謂嘅MK文化,浩南,即係伊健嘅長髮成為模仿對象,另外一位MK少祖謝霆鋒啱啱出道,做繼承咗分界頭,不過佢染埋金毛,仲要襯CHROME HEARTS同喇叭褲,贏晒啦!

 

 

00年代尾-飛輪海頭

呢個時候台劇同台灣樂壇爆咗隊飛輪海出嚟,個個都長頭髮大陰,新一代MK後生仔就係梳呢個頭。

10年代至今-都敏俊頭、柏豪頭

潮流興番美國古着,自然梳番嗰個年代嘅頭,日本係WTAPS嘅TET西山徹,本地有大文豪周柏豪,都係兩邊剷青,中間落髮臘梳向後,非常易搞。另外上年大hit嘅《來自星星的你》,男主角金秀賢個前陰頭都好多人跟,你係咪呢?

關鍵詞
00s10s70s80s