高Ling床誘 馮盈盈扮淑女? 王浩信新劇與七美女周旋

流行娛樂

廣告

無綫日前新劇《極度怪咖》試造型,一眾藝人包括王浩信、張振朗、馮盈盈高海寧、湯怡及石修等均有出席。剛奪得「飛躍進步女藝員」的馮盈盈為劇集轉換新髮型,而劇集更有不少新鮮面孔,包括湯怡以及華姐亞軍林宣妤

撰文:東方新地|圖片:東方新地、Instagram|編輯:異種火星人 (原文刊於東方新地

新劇《極度怪咖》 馮盈盈換新髮型 王浩信周旋七美女之間

新劇《極度怪咖》演員造型

由林志華監製的大台新劇《極度怪咖》,今日舉行記招公開演員造型,演員陣容強勁,包括王浩信、張振朗、馮盈盈、高海寧、傅嘉莉、湯怡及石修等。見到各人造型都甚有新鮮感,馮盈盈有新髮型、長髮高Ling、白髮張振朗及四眼妹湯怡等。

馮盈盈換新髮型演淑女

今年最出位藝人之一的馮盈盈,今次為新劇換上新髮型,感覺好似乖女了不少!馮盈盈今次在劇中飾演一位斯文又溫柔的千金小姐,佢笑說角色同自己好貼近,可以演回自己淑女本色!大家點睇呢?

高Ling有床上戲

高Ling今次特別為角色駁長髮,原來係要配合劇中佢扮演女明星的百變造型,高Ling表示會同王浩信及石修哥有感情線,仲會同王浩信有場床上戲,色誘對方!

馮盈盈壓過高Ling?

根據無綫派發的劇集資料,見到馮盈盈的排名較高海寧「高一級」,似係榮升女一!FYY聽罷就話自己只係「女七份一」,七個女角色之一。至於排名問題,佢就話一定係因為高Ling係K字頭,而自己係F字頭。果然轉數快~

王浩信周旋七美女之間

最美華姐林宣妤

今次劇集七大女角中,仲有另一位甚有新鮮感的面孔,就係2017年中華小姐亞軍林宣妤!林宣妤被譽為最美華姐之一,不過加入大台後卻未有過任何演出,而被視為TVB在2019年的最強武器!相信來年大把機會見到佢~

華姐亞軍林宣妤 簽約後從未演出 成無綫2019年秘密武器?

雖然高質花旦買少見少,不過大家唔使擔心!因為兩位2017年國際中華小姐佳麗余思霆同林宣妤都已經係大台中人,余思霆最近都曝光率漸高,之前有份主持蕭正楠、曹永廉的《兄弟大茶飯》;而林宣妤就比較特別,其出眾外表絕唔比任何一位小花輸蝕,不過簽約至今從未有任何演出,可能有機會成為TVB 2019年的最強秘密武器?!

仙氣逼人賽前超級大熱林宣妤

1996年出世的林宣妤(Serene)今年只係22歲,來自馬來西亞霹靂州,於大學修讀食物及營養學系,另有擔任主持、代言及封面女郎等工作。林宣妤於Astro國際華裔小姐競選2016奪得冠軍、最上鏡小姐、全民女神三大奬項,在華姐決賽前已經係超級大熱,可惜最終只得亞軍!佢亦係繼楊秀惠後,第二個來自馬來西亞的華姐加入TVB大家庭。

林宣妤華姐決賽重溫:

吉隆坡美女

來自吉隆坡的林宣妤有着典型美女嘅大眼睛、白裏透紅肌膚加上一把飄逸長髮,身材修長、儀態萬千,甜笑時散發陣陣仙氣,如果真係有機會睇佢拍劇,小編一定晚晚開電視!(題外話,Serene啲廣東話都算講得幾好,拍劇應該聽得明!)

似Baby?似智孝?

當年有網民話林宣妤似Angelababy,又有人話佢似韓國女團少女時代成員允兒,而小編就覺得同韓國氣質女神宋智孝有幾分相似。似邊個就見仁見智啦,重點係似親都係靚女!

一位咁高質的靚女,簽約無綫後竟然從未有演出機會!唔通係TVB留作2019年的秘密武器?定林宣妤其實志不在此?

未拍劇先拍電影

林宣妤之前同羅仲謙拍過廣告,仲大讚對方靚仔!

另外睇番林宣妤幾年前的照片,雖然當時仍帶有幾分稚氣,不過已經係仙氣十足,天生麗質難自棄!